==La arto [[mumio|mumiigi]] [[hejma kato|katojn]]==
[[Dosiero:ThePredynastic Thinghuman 2mummy, EA 32751.JPGjpg|thumb|right|180px|Mumioj estas la rezultoj de antikva egipta enbalzamigo]] Ekzistas du specoj de hobiistoj, tiuj, kiuj amasigas kaj tiuj, kiuj produktas. La unua grupo konsistas el homoj, kies celo estas akiri kolektaĵojn de diversspecaj objektoj, inter kiuj tradicie troviĝas poŝtmarkoj, bildkartoj kaj moneroj. Kontraste al la okupiĝo de tiuj pasivuloj estas la aktiva agado de kreantoj kaj konstruantoj. Ĉar ili posedas inventemon, artistan talenton kaj abundon da originalaj ideoj, ili ne simple kolektadas kuriozaĵojn aŭ valoralojn, sed strebas al realigo de novaĵoj. Inter ili estas amatoraj pentristoj, muzikistoj, verkistoj, scienculoj kaj alispecaj seriozaj pensuloj. Esenca karakterizo de iliaj ŝatokupoj estas la bezono kunordigi la funkciojn de la menso kaj manoj. Al tiuj, kiuj emas uzi sian liberan tempon per tre interesa kaj unika hobio, mi proponas lernadon de praktika arto postulanta historiajn, sciencajn kaj estetikajn sciojn por sukcesa plenumado de projektoj. Temas pri la procedo de mumiigo aŭ enbalzamigo laŭ la teknikoj disvolvitaj en la antikva [[Egiptujo]].
