'''OSSAKA Kenji''', (小坂狷二 [osaka kenĵi]; [[Hepburn]]:OSAKA Kenji; [[Kunrei]]:OSAKA Kenzi) [[pseŭdonomo Ito saburo]] japano, mekanikainĝeniero, sekciestro de Ŝtata Fervojo, [[Nagojo|Nagoya]]. Naskiĝis en la [[28-a de junio]] [[1888]] en [[Tokia Urbo|Tôkyô-si]] en familio de militisto sed arda idealisto-pacamanto. Lernis en kadeta lernejo 1901-07 sed 1907 eksiĝis el milita servo pro malsano, vizitis Imperian Universitaton kaj fariĝis [[inĝeniero]], 1916. Esperanton lernis en [[1906]] unue per „[[Sekaigo]]“ de [[FUTABATEIFutabatei Shimei|Futabatei]] kaj poste en kurso de „[[Nippon Esperanto-Socio]]“ de [[Misao KATO]], kaj post foriro de Kato sindone laboris por Esperanto en [[Jokosuka|Yokosuka]]. [[1916]] venis al [[Tokio|Tôkyô]] kaj dediĉis sin al centra administrado de [[JEA]], kaj kiam [[JEA]] perdis funkcion, en [[1919]] kun aliaj fondis novan movadcentron [[JEI]], kiu bone kreskis dank' al supermezure energia klopodado de li kaj junaj studentoj varbitaj de li. Historio de Japana Esperanto-movado estas kvazaŭ sinonimo al Esperantista agado de Ossaka. Li dediĉis ĉiujn liberajn horojn al Esperantaj laboroj. Direktoro de [[JEI]]. Redaktoro de „[[Jokoska Esperantisto]]“, 1907-15, „[[Orienta Stelo]]“, 1911-15, „[[Japana Esperantisto]]“, 1916-19, [[LRO]], 1920-25. 1925-27 vojaĝis en [[Usono]] kaj [[Eŭropo]]. Unuaklasa Esperanto-gramatikisto. Liaj prilingvaj artikoloj mirinde multe verkitaj en diversaj gazetoj, ĉefe en [[LRO]], estas tre ŝatataj de Japanaj Esperantistoj kaj donas gravan servon al eduko de kapablaj posteuloj, kune kun liaj verkoj.
