[[Dosiero:Jens-Böhrnsen-2.jpg |250px|eta|Jens Böhrnsen en 2007]]
'''Jens BöhrnsenBÖHRNSEN''' {{prononco|b''o'':<sup>r</sup>nsen}} (naskiĝis la {{daton|12|junio|1949}} en [[Bremeno]], do nun {{aĝo|1949|6|12}}-jara) estas [[Germanio|germana]] [[juristo]] kaj [[politikisto]] de la [[Socialdemokrata Partio de Germanio]] (SPD). Ekde la jaro [[2005]] li oficas kiel urbestro de [[Bremeno]] kaj senata prezidanto de la samnoma urboŝtato [[libera hansa urbo Bremeno]], konsistanta el [[Bremeno]] kaj [[Bremerhaven]]. Ĉar la [[urboŝtato]] samkiel [[Berlino]] kaj [[Hamburgo]] konsideratas [[federacia lando (Germanio)|federacia lando de Germanio]], li samkiel la ĉefurbestroj de Berlino kaj Hamburgo havas rangon paralelan al tiu de [[ministroprezidanto]], la titolo de ĉefministro de la aliaj federaciaj landoj. Kiam [[Horst Köhler]] demisiis de la posteno de ŝtata [[prezidanto de Germanio]] la 31-an de majo 2010, Jens Böhrnsen dumtempe transprenis la funkciojn kaj rajtojn de la ŝtata prezidanto, ĉar li tiumomente laŭ rotacia plano deĵoris kiel prezidanto de la [[Federacia Konsilio (Germanio)|Federacia Konsilio de Germanio]].
