'''KIMURA Goro Christoph''' naskiĝis 29.03.[[1974]] en [[Nagoya]], estas japana esperantisto. Lia patro estas japano, lia patrino germanagermanino. Unue li diplomiĝis pri germanaj studoj ĉe Tokia Universitato pri Fremdaj Studoj. Poste magistriĝis [[1999]] ĉe Hitotsubashi-Universitato en [[Tokio]]. Kimura doktoriĝis tie [[2002]] kun tezo pri homaj intervenoj por vivteni kaj revivigi malplimultajn lingvojn. 2002-2004 [[docento]] ĉe Keio-universitato. 2004 docento ĉe Sophia-universitato. 2007 vicprofesoro, 2012 profesoro pri [[germana]] kaj eŭropaj studoj ĉe la Fakultato por Fremdaj Lingvoj kaj Studoj. 2012-2013 Gastesploristo ĉe la Katedro pri Lingvo-uzo kaj Lingvo-komparo ĉe la Eŭropa Universitato Viadrina en [[Frankfurto ĉe Odro]] [[Germanio]]. Ĉe Sophia-universitato li instruas pri germana lingvo kaj socio, eŭropa lingvopolitiko kaj internaciaj rilatoj. Krome li instruas germanan lingvon kaj socilingvistikon ĉe Keio-universitato. Membro de redakta komitato de fakaj revuoj Kotoba to Syakai [Lingvo kaj Socio] (Tokio: Sangensha), Syakaigengogaku [Socilingvistiko] (Gifu: Syakaigengogaku kankokai), Language Problems & Language Planning [Lingvoproblemoj kaj Lingvoplanado] (Amsterdam: John Benjamins) kaj kuneldonanto de la libroserio Studies in World Language Problems (Amsterdam: John Benjamins).<ref>Bibliografio de prof. KIMURA Goro Christoph, informilo por interlingvistoj n-ro 84/85 (1-2/2013), p.23 (biografio).
