Kuba peso: Malsamoj inter versioj

La '''kuba peso''' ([[hispane]] ''peso cubano'') estas la [[valuto]] de [[Kubo (lando)]]. La [[hispana]] vorto ''[[peso]]'' havas la signifon "[[pezo]]". Unu [[peso]] dividiĝas en 100 [[centavo]]jn. La kodo laŭ la normo [[ISO 4217]] estas ''CUP''. En la lingvouzo de Kubo ĝi ofte nomatas ''moneda nacional'' ("mono nacia" aŭ "nacia valuto") kaj tiam mallongiĝas ''MN''. Ĝi estas nur por la loka loĝantaro, sed praktike ankaŭ eksterlandanoj povas pagi per ĝi. La valuto estas planata kaj uzata precipe por la aĉeto de ŝtate subvenciigitaj varoj.

Aldone por la uzo fare de turistoj kaj por tiel nomataj "luksaj varoj" ekzistas la [[konvertebla kuba peso]] (''peso convertible'', CUC), kiu estas ligita al la [[usona dolaro]]. "Luksaj varoj" difiniĝas ĉiuj varoj kiuj ne aŭ nur plej malofte haveblas kontraŭ ''Moneda Nacional''. Povas temi ankaŭ pri "normalaj" nutraĵoj, ne nepre pri tre malkutimaj varoj. La oferto de varoj aĉetebla kontraŭ ''Moneda Nacional'' dum la lastaj jaroj signife altiĝis, sed daŭre restas senteble limigite.

En ŝtataj monŝanĝejoj, en Kubo nomataj ''CADECA'' (Casa de cambio), konverteblaj pesoj povas esti ŝanĝataj al kaj el nacia valuto. La kurzo estas ŝtate fiksita kaj laŭ la stato de aprilo 2009 estas 1 CUC = 24 CUP (vendo de CUP) respektive 1 CUC = 25 CUP (aĉeto de CUP). En la suma nacia ekonomia buĝeto kalkuliĝas rilato de 1 CUC = 1 CUP, kvazaŭ la du valutoj interŝanĝeblus.

{{elEL}} [http://www.bc.gov.cu/Espanol/billetes_cubanos.asp monbiletoj de la kuba peso (hispane)]

{{elEL}} [http://www.bc.gov.cu/Espanol/monedas_cubanas.asp moneroj de la kuba peso (hispane)]