Arbeitsgemeinschaft Neue Demokratische Jugendverbände: Malsamoj inter versioj

La organizaĵo '''Arbeitsgemeinschaft Neue Demokratische Jugendverbände''' ([[germane]], mallongigo '''ANDJ''', traduko "Laborkomunumo Novaj Demokratiaj Junularaj Asocioj") ekestis en februaro [[1991]] kiel kunligo de origine kvin junularaj asocioj.<ref>[http://web.archive.org/web/20071223084408/http://www.esperanto.de/dej/asocio/konkero.php paĝo pri la rilatoj de la Germana Esperanto-Junularo al aliaj asocioj kaj inter alie pri la ekesto de la tegmenta asocio ANDJ (arkivigita)] {{de}}</ref>.

El tiuj kvin asocioj unu, la [[Germana Esperanto-Junularo]], kiel translima kaj en okcidenta samkiel orienta Eŭropo aktiva junulara asocio antaŭ la reunuigo de Germanio ekzistis same en okcidenta Germanio kaj - malpli formale - kiel [[GDREJ]] en orienta Germanio, kaj la aliaj kvar ekestis sur la teritorio de la rapide ŝanĝiĝanta ŝtato GDR tuj post la falo de la [[Berlina Muro]] kaj la komplezo de la registaro de GDR ektoleri pliajn junularajn asociojn krom la ŝtatan junularon [[Freie Deutsche Jugend|FDJ]]. Plej multajn membrojn el tiuj kvar novaj GDR-aj junularaj asocioj havis la asocio ''Jugendnetzwerk Lambda'' de junaj samseksemuloj kaj samseksemulinoj, kiu rapide ekspansiis ankaŭ al okcidenta Germanio, kie junaĝaj samseksemuloj kaj samseksemulinoj kompreneble same ekzistis, sed ĝis tiam ne estis organizitaj en kadro de junulara asocio.

[[dosieroDosiero:Berlin, Mitte, Unter den Linden 36-38, Zollernhof 02.jpg|eta|<center>la konstruaĵego ''Zollernhof'' ĉe la bulvardo [[Unter den Linden]] en [[Berlin-Mitte]], inter la jaroj 1991 kaj 1993 unua sidejo de la asocia ligo ANDJ]]

En februaro 1990 la "novaj" junularaj asocioj de la "Ronda Tablo de la Junularo" okupis la sidejon de la antaŭa centra oficejo de la ŝtata junulara organizaĵo [[Freie Deutsche Jugend|FDJ]] ĉe la adreso [[Unter den Linden]] 36–38, la konstruaĵegon ''Zollernhof'' en [[Berlin-Mitte]]; en tiu konstruaĵego post sia fondiĝo ankaŭ la asocia ligo ANDJ havis sian sidejon. En aprilo 1991 la asocia ligo ANDJ iĝis membroasocio de la tegmenta organizaĵo de germaniaj junularaj asocioj, nomata [[Deutscher Bundesjugendring|Deutschen Bundesjugendring]] (DBJR); en oktobro 1993 ĝi laŭ propra deziro ŝanĝis sian statuson al "alligita asocio" de la tegmenta organizaĵo DBJR. Unua reprezentanto de ANDJ en la asembleo de la tegmenta organizaĵo en 1991 kaj 1992 iĝis membro de la junulara asocio ''Jugendnetzwerk Lambda'', dua reprezentanto en 1993 kaj 1994 iĝis la esperantisto [[Thomas Pusch]], kiu do estis la unua oficiala reprezentanto de GEJ en la gvidantaro de la tegmenta organizaĵo de germaniaj junularaj asocioj. En la tempo inter 1991 kaj 1993 tri el la kvin membroasocioj de ANDJ iom post iom malaktiviĝis kaj fine malaperis, tiel ke la ligo inter la jaroj 1993 kaj 2011 nur konsistis el la du membroasocioj [[Germana Esperanto-Junularo]] kaj ''Jugendnetzwerk Lambda'', kies membraroj malgraŭ malsamaj laboraj fokusoj estis decidintaj plu kune reprezentiĝi en la kunsidoj de la tegmenta organizaĵo DBJR.

{{elEL}} [https://www.dbjr.de/der-dbjr/dbjr/mitgliedsorganisationen/detail.html?tx_wtdirectory_pi1%5Bshow%5D=62&tx_rggooglemap_pi1%5Bpoi%5D=62&cHash=694936aec50485890db097613ecab49e konciza informo en la retejo de la tegmenta organizaĵo] ''[[Deutscher Bundesjugendring]]'' {{de}}

{{elEL}} [http://www.esperanto.de/dej/ retejo de Germana Esperanto-Junularo] {{de}} <small>kaj</small> {{eo}}