Meksika kuirarto: Malsamoj inter versioj

'''Meksika kuirarto''' estas ĉefe fuzio de indiĝena [[Mezameriko|mezamerika]] kuirarto kun eŭropaj, ĉefe [[Hispana kuirarto|hispanaj]], elementoj aldonitaj post la [[konkero de la Azteka Imperio]] en la 16a jarcento. La bazaj materialoj estas indiĝenaj manĝaĵoj, kiaj [[maizo]], [[fabo]]j kaj [[kapsiketo]]j. Eŭropanoj enmetis grandan nombron de aliaj manĝaĵoj, plej grave el kiuj estas [[viando]]j el aldomigitaj animaloj (bovoj, porkoj, kokoj, kaproj, kaj ŝafoj), laktaj produktoj (ĉefe fromaĝo), kaj variaj herboj kaj spicoj.

Kiam la hispanoj dekomence klopodis trudi sian propran dieton en la lando, tio ne eblis kaj eventuale la manĝaĵoj kaj la [[kuirarto|kuirartaj]] teknikoj komencis esti miksitaj, ĉefe ĉe la monaĥejoj de la [[Vicreĝlando Nova Hispanio|kolonia epoko]]. Ankaŭ afrikaj kaj aziaj influoj estis enmetitaj en la mikso dum tiu epoko kiel rezulto de la entrudo de [[sklaveco|afrikdevenaj sklavoj en Nova Hispanio]] kaj la interkulturo rezulta el la [[Manila galiono]].<ref name="CONACULTA">{{cite web|title= La cocina del virreinato| url=http://sic.conaculta.gob.mx/ficha.php?table=gastronomia&table_id=101 |publisher=CONACULTA|accessdate=13a de Januaro 2015}}</ref>