'''[[Radio]]'''. La unuaj disaŭdigoj en [[Esperanto]] komenciĝis en [[1922]]. Tiam estis farataj tiaj provoj en [[Newark (Nov-Ĵerzejo)]] ([[Usono]]) (stacio [[:en:WABC (AM)|WJZ]]) kaj [[London]]. PluajPliaj Esperanto-disaŭdigoj okazis: en [[1923]] en [[Moskvo|Moskva]] ([[12-a de aprilo]]) en [[Montrealo|Montreal]] kaj [[Rio-de-Ĵanejro|Rio de Janeiro]]; en [[1924]] en [[Prago|Praha]] ([[31-a de januaro]]), en [[Ĝenevo|Genève]] ([[18-a de marto]]), en [[Helsinki]] ([[6-a de aprilo]]), en [[Paris]] ([[7-a de aprilo]]) ktp. La Esperantistoj en la tuta mondo esperis kaj klopodis atingi gravajn sukcesojn sur la nova tereno. En [[1924]] fondiĝis [[Internacia Radio-Asocio]] por tiu ĉi celo, kiu kelkajn jarojn estis tre aktiva, ĝi eldonis eĉ [[Internacia Radio-Revuo|Internacian Radio-Revuon]]. Poste ICK transprenis la ĉefan direkton de la radiolaboro, kreis apartan radio-komisionon. Ties gvidanto [[J. Jungfer]] eldonas [[Internacia Radio-servo|Internacian Radio-Servon]], kiu estas unu el la plej utilaj organoj de la [[Esperanto-movado]]. Ĝi informas pri la Esperanto-disaŭdigoj, instigas kunlaboron en diversaj landoj. La komisiono mem starigas statistikon ĉiujare, kiun komunikas la oficiala dokumentaro. Laŭ tio en [[1933]] en 83 sendostacioj de 14 landoj okazis 1774 disaŭdigoj en aŭ pri Esperanto, inter ili 409 kursohoroj. Detalojn vidu en la laŭlandaj artikoloj; vidu la indekson.
