'''Elajo''' estis [[helenio|helena]] [[urbo]] de suda [[Italio]] ([[Grandhelenio]]). DuagradakolonioKolonio de la orientegea urbo Fokajo (nun [[Foça]], en [[Turkio]]), fondita de Fokajanoj elfuĝintaj antaŭ la koloniopersa invado de sia urbo. Laŭ la helena verkisto Herodoto, la tuta loĝantaro de Fokajo enŝipiĝis nokte kaj veturis al la proksima insulo Ĥios. Sed ili ne sukcesis interkonsenti kun la tieaj loĝantoj por fondi tie sian novan urbon, do ili pluvojaĝis okcidenten. Ŝajne duono de la fuĝintoj rezignis pri la vojaĝo, sed la ceteraj atingis sian antaŭan kolonion [[Massalia]] (nun [[Marsejlo]], en [[Francio]]). El Massalia ili veturis al [[Korsiko]] kaj tie instalis sin. Sed ili konkurencis la [[Etruskoj|Etruskajn]] kaj [[Kartago|Kartaganajn]] komercantojn en tiu regiono kaj milito eksplodis inter ili. En ŝipbatalo ĉe Alalia, duono de la fokaja ŝiparo estis detruta de duoble pli granda malamika ŝiparo. La pluvivintoj ekvojaĝis denove, ĉifoje pli suden, kaj atingis la italan marbordon sude de la helena kolonio Pozidonio. Tie ili fondis Elajon, iam inter la jaroj 545 kaj 533 a.K.
Elajo estis la sidejo de la elaja filozofia skolo, al kiu apartenis filozofoj kiel [[Parmenido]] kaj [[Zenono]].
