Kerényi en [[Budapeŝto]] doktoriĝis (en [[1919)]] kaj li akiris atestilon de instruisto pri latina-helena lingvoj en [[ELTE|Reĝa Universitato de Budapeŝto]]. Komence li instruis en mezlernejo, de [[1934]] en [[Universitato de Pécs]] klasik-filologion kaj antikvan historion. En 1941–43 li profesoris en [[Szeged]], sekve en Budapeŝto. Li redaktis la revuon ''Sziget'' kaj libroserion ''Kétnyelvű klasszikusok'' (Dulingvaj klasikuloj), inter [[1924]]–[[1934]] ''[[Egyetemes Philologiai Közlöny]]'', pli malfrue la seriojn ''Műhely'' kaj ''Pannónia Könyvtár''. En [[1929]] en [[Grekujo]] li renkontiĝis kun W. F. Otto, kies religihistoria verkaro influis lin grave; la fino de la tridekaj jaroj li fariĝis internacie konata kiel religihistoriisto. En [[1943]] li elmigris [[Svislando]]n. En sia decido havis rolon la kunagado kun [[Carl Gustav Jung]]. Ili kune verkis la verkon''Einführung in das Wesen der Mythologie'' (Zuriko, 1942) kaj fondis la Instituton C. G. Jung, kie li ofte prelegis. En vintra semestro de 1955–56-a studjaro li gastprofesoris en [[Bonn]], en [[1960]] en [[Oslo]], [[Romo]], en [[1961]] [[Zuriko|Universitato de Zuriko]], en [[1964]] en [[Ĝenevo]]. Li estis ano de la scienckomisio de ''Rowohlt Deutsche Enzyklopädie''. Lian verkon ''Greka mitologio'' oni tradukis en 10 lingvojn.
