Kolonjo: Malsamoj inter versioj

5 bitokojn aldonis ,  antaŭ 3 jaroj
En la [[5-a jarcento]], rego de la urbo iris al la [[frankoj]]. Poste [[Karolo la Granda]] starigis [[Ĉefepiskopo de Kolonjo|ĉefepiskopon en Kolonjo]]. La ĉefepiskopoj de la urbo fariĝis princoj de la [[Sankta Romia Imperio]] kaj regis la urbon ĝis [[1288]]. Eĉ hodiaŭ Kolonjo estas grava centro de germana [[katolikismo]] kaj havas la plej grandan [[gotiko|gotikan]] [[katedralo]]n (jen bildo [http://en.wikipedia.org/upload/4/49/Cologne_cathedral3.jpg]) de Eŭropo: ĝiaj turoj estas 157 m altaj kaj en ĝi troviĝas relikvio, kiu onidire enhavas la korpajn postrestaĵojn de la [[tri reĝoj]].
 
Ekde [[1288]] post la [[batalo ĉe Worringen]] (komenciĝis la „libera“ stato de la urbo)(fakte, per la senpotencigo de la [[princepiskopo]]) resp. [[1475]] (oficialigo per la imperiestro) ĝis [[1794]] Kolonjo estis [[libera regna urbo|libera urbo]], tio signifas, ke ĝi estis submetata nur al la imperiestro. Ĝi prosperis kiel membro de la [[Hansa Ligo]] ĝis la [[16-a jarcento]]. En la epoko de la religiaj konfliktoj la urbo komencis malprosperi. En [[1794]] [[Francio]] aneksis la landon maldekstran de la [[Rejno]] kaj sekve ankaŭ Kolonjon.
 
En [[1815]], post la militoj de [[Napoleono la 1-a de Francio]], [[Rejnlando]] kaj [[Vestfalio]] estis donitaj al [[Prusio]]. La provinca ĉefurbo de Rejnlando fariĝis [[Koblenz]], sed Kolonjo estis (kaj estas) sidejo de unu el la granddistriktoj en la regiono. La 19a jarcento kunportis industrian kaj ekonomian reviviĝon de la urbo kaj la finkonstruon de la katedralo, komencita en la 13a jarcento. Grava por la evoluo estis interalie la trajnlinio Kolonjo-Antverpeno, per kiu oni transportis [[Ruhr]]-regionan karbon al la oceano, kaj kiu estis unu el la unuaj internaciaj trajnkonektoj.
183 073

redaktoj