Samuel Taylor Coleridge: Malsamoj inter versioj

Li naskiĝis en la malgranda urbo Ottery St Mary, [[Devon]] kaj estis la plej juna inter dek infanoj de la paroĥestro, John Coleridge.<ref>[https://www.britannica.com/biography/Samuel-Taylor-Coleridge Samuel Taylor Coleridge, Encyclopaedia Brotannica.]</ref> Dum sia infaneco li akiris amon de poezio kaj literaturo. Post la morto de sia patro en 1781 li eniris la lernejon Christ's Hospital. De 1791 al 1794 li studis ĉe [[Jesus College (Kembriĝo)]]. En 1792 li premiiĝis pro poemo pri la sklav-komerco. Ĉe la Universitato de Kembriĝo li amikiĝis kun [[Robert Southey]]. La du poetoj edziĝis kun du fratinoj, Sara kaj Edith Fricker, sed la edzeco de Coleridge kaj lia edzino Sarah estis nekontenta, kaj fine ili eksedziĝis. En 1795 Coleridge renkontis [[William Wordsworth]] kaj lian fratinon [[Dorothy Wordsworth|Dorothy]].

Dum 1797 kaj 1798 li loĝis en [[Somerset]] (William Wordsworth loĝis apude). La du poetoj eldonis en 1798 gravan poemaron, ''Lyrical Ballads''<ref>[https://www.britannica.com/topic/Lyrical-Ballads Encyclopaedia Britannica.]</ref>, kiu multe influis la evoluon de la angla poezio. La plejparto de la poemoj estis de Wordsworth, sed la libro enhavis ''The Rime of the Ancient Mariner''. Tiun aŭtunon Coleridge kaj Wordsworth vojaĝis en Germanion, kie Coleridge lasis sian kolegon kaj vizitis universitatajn urbojn: tie li ekkonis germanajn filozofiajn verkojn, inkl. tiujn de [[Immanuel Kant]]. Post lia reveno en Anglion li loĝis ĉe Keswick en [[Cumberland]], ne malproksime de la hejmo de Wordsworth ĉe Grasmere. Li faris kelkajn vojaĝojn al Italio, Sicilio kaj Malto. Parte pro trouzado de laŭdano, li grave malsanis kaj en 1817 li translokiĝis al la hejmo de sia kuracisto, James Gillman, en Highgate, Londono. Tie li mortis en 1834.