Felix Salten: Malsamoj inter versioj

'''Felix SALTEN''' (naskiĝis en [[Peŝto]], [[Hungario]], la [[6-an de septembro]] [[1869]]; mortis en [[Zuriko]], la [[8-an de oktobro]] [[1945]]) estis [[Vieno|viena]] verkisto, naskiĝinta kiel '''Siegmund Salzmann'''. Lia plej fama verko estas ''[[Bambi, vivo en la arbaro]]'', verkita en 1923. Oni ankaŭ atribuas al li la romanon [[Josefine Mutzenbacher]], fikcia membiografio de viena prostituistino, aperinta en [[1906]]. Li estis onklo de [[Karl Farkas]].

Kiam Felix Salten estis kvarsemajna lia familio translokiĝis al [[Vieno]]. Kiam lia patro iĝis bankrota, la deksesjarulo forlasis la lernejon kaj komencis labori por asekurinstanco. Li ankaŭ komencis alsendi poemojn kaj librorecenzojn al ĵurnaloj. Li iĝis ano de la movado [[Jung-Wien]] kaj baldaŭ ricevis laboron kiel plentempa arto- kaj teatrokritikisto por la gazetoj "Wiener Allgemeine Zeitung" kaj "Zeit". En 1900 li publikigis sian unuan kolekton de noveloj. En 1901 li iniciatis la unuan literaturan kabaredon de Vieno "Jung-Wiener Theater Zum lieben Augustin".

 

Li baldaŭ regule publikigis po unu libron por jaro plena de ludoj, noveloj, romanoj, vojaĝpriskriboj, kaj eseokolektoj. Li ankaŭ skribis por preskaŭ ĉiuj plej gravaj gazetoj de Vieno. En 1906 Salten iris al [[Berlino]] ĉe Ullstein-eldonejon kun la tasko ĉefredaktistadi ĉe "B.Z. am Mittag" kaj "Berliner Morgenpost"; sed jam kelkajn monatojn pli poste li revenis Vienon. Li ankaŭ skribis al filmoj scenarojn kaj libretojn por operetoj. En 1927 li iĝis prezidanto de la [[PEN-klubo internacia|Aŭstria PEN-klubo]] kiel posteulo de [[Arthur Schnitzler]].

 

 

== Eksteraj ligiloj ==

{{vivtempo|1869|1945|Salten, Felix}}

[[Kategorio:Germanlingvaj verkistoj]]