Sagittarius A*

Sagittarius A* (prononcata Sagittarius A stelo; mallongigite Sgr A*; laŭ la latina nomo de la stela konstelacio Sagitario, do principe ankaŭ esperantigebla Sagitario A*) estas regiono de la kosmo en la konstelacio Sagitario. Temas pri fonto de radioondoj en la hipoteza centro de la galaksio Lakta Vojo. Laŭ la nuntempa stato de radioastronomiaj esploroj temas pri hipoteza supermasa Nigra Truo de proksimume 4 milionoj da sunaj masoj. Ĝi markas la lokon kiu estu la mezo de la Lakta Vojo.

rentgena bildo de Sagittarius A* kaj de du lumaj eĥoj (markitaj per elipsoj) de antaŭa eksplodo