La estona estas ano de la balt-finna branĉo de la [[Finn-ugra lingvaro]]. La estona ne parencas, kiel multaj kredas, iel genetike al ĝiajsiaj geografiaj najbaroj, la [[Balta lingvaro|baltaj lingvoj]] (la [[Latva lingvo|latva]] kaj la [[Litova lingvo|litova]]), kiuj estas [[Hindeŭropa lingvaro|hindeŭropaj]], sed parencas al la [[Finna lingvo|finna]], parolata trans la [[Finna golfo|Golfo de Finnlando]], kaj malproksime al la [[Hungara lingvo|hungara]] kaj la [[Samea lingvo|sameaj lingvoj]]. Pro historiaj rezonoj, la sveda, la rusa, kaj la germana influis la estonan. La estona estas [[aglutina lingvo]] kiel ĝiaj parencoj, sed ĝi perdis [[Vokala harmonio|vokalan harmonion]]. Antaŭaj vokaloj okazas nur je la unua silabo aŭ je akcentita silabo. Malgraŭ ĝia aglutina emo, pro la perdo de sonoj kaj aliaj fonologiaj ŝanĝoj je finaj aŭ neakcentitaj silaboj, la estona fariĝas pli kiel [[Lingva tipologio#Aglutinaj kaj fandaj lingvoj|fanda lingvo]].<ref>Erelt, Mati, Tiit-Rein Viitso, and Väino Klaus. ''Estonian language''. Tallinn: Eesti Teaduste Akadeemia Kirjastus, 2007.</ref><ref>Argus, Reili. "The early development of case and number in Estonian." ''Development of nominal inflection in first language acquisition: A cross-linguistic perspective'' (2009).</ref>
