Monumento al Mortfalintaj kaj Murditaj Rus-Oriente: Malsamoj inter versioj

'''Monumento al Mortfalintaj kaj Murditaj Rus-Oriente''' ([[pole]]: Pomnik Poległym i Pomordowanym na Wschodzie) – monumenta skulptaĵo de [[Maksymilian Biskupski]] malkovrita la 17-an de decembro [[1995]] en [[Varsovio]]. Ĝi troviĝas vojkruciĝe de la stratoj Muranowska kaj generalo [[Władysław Anders]].

 

La [[monumento]] prezentas aron da [[latina kruco|latinaj krucoj]] kune kun la [[ortodoksismo|ortodoksa]], juda surtomba [[steleo]] kaj la [[islamo|islama]], lokigitaj sur la fervoja vagono sen flankmuroj, kio simbolas [[deportado|deportan]] [[vagono]]n. Antaŭ la starigita platformo sur relvojo oni metis 41 [[ŝpalo]]jn montrantaj nomojn de batal-lokoj kaj de [[ekzekuto|ekzekutejo]]j de la pola nacio en [[Sovetunio]]. Ĝi estis konstruita omaĝe al poloj mortfalintaj kaj murditaj en kaj ekster la [[Orientaj Limregionoj]], precipe al forveturigitoj al [[gulago]]j de [[Siberio]] kaj al la viktimoj de la [[masakro de Katin|katina murdo]]. Ĉefa iniciatinto de la konstruo estis [[Wojciech Ziembiński]] kaj la monumenton aparte zorgas membroj de la [[Federacio de Katinaj Familioj]] kaj veteranaj organizaĵoj.

 

En [[1999]] preĝis ĉi tie [[papo]] [[Johano Paŭlo la 2-a]] dum sia 7-a [[pilgrimado]] al [[Pollando]]. Apud la monumento en [[2006]] dum pilgrimo al Pollando trapasis [[papamobilo|papamobile]] ankaŭ papo [[Benedikto la 16-a]].

 

* [[Wojciech Ziembiński]], ''Z dziejów Pomnika Poległym i Pomordowanym na Wschodzie'', en Zeszyty Katyńskie (nr 8), Warszawa, p. 127–141

 

* [[Revolucioj de 1989]]

* [[NKVD]]

 

* [http://www.sztuka.net/palio/html.run?_Instance=www.sztuka.net.pl&_PageID=857&newsId=6200&_cms=newser&_CheckSum=-1100989299 Pomnik Poległym i Pomordowanym na Wschodzie na portalu sztuka.net]

 

 

[[Kategorio:Monumentoj de la dua mondmilito|Mortfalintaj kaj Murditaj Rus-Oriente]]