'''Neuquén''' [neŭkEn] estas urbo kaj ĉefurbo de la [[ArgentinioArgentino|argentina]] [[Provincoj de Argentino|provinco]] de [[Provinco Neuquén|Neuquén]], situa en oriento de la provinco, ĉe la kunfluo de la riveroj [[Rivero Limay|Limay]] kaj [[Rivero Neuquén|Neuquén]]. La urbo havas populacion de pli da 265,000 loĝantoj, kio faras ĝin la plej granda urbo en [[Argentina Patagonio]]. Ĝi troviĝas en la plej orienta pinto de la provinco, kien ĝi estis lokigita de la tiama guberniestro komence de la [[20a jarcento]] kontraŭ la popola sento, kiu petis lokigon pli proksiman al la limo kun [[Ĉilio]]. La [[19an de majo]] de [[1904]] oni faris tiun decidon por profiti la pli facilan eliron de varoj per [[fervojo]], kiu atingis nur tiun lokon; oficiale la urbo estis fondita la [[12an de septembro]] de [[1904]] kaj tuj poste prosperiĝis.
Ĝi formas [[kunurbejo]]n kun la urboj de [[Plottier]] (provinco Neuquén) kaj [[Cipolletti]] ([[provinco Río Negro]]), nomata Neuquén - Plottier - Cipolletti, kiu povus esti konsiderata la "ĉefurbo de [[Comahue]]". Krome je malmultaj kilometroj troviĝas la urbo de [[Centenario (Neuquén)|Centenario]].
