Gatĉino: Malsamoj inter versioj

Gatĉina unuafoje menciiĝis dum la jaro [[1499]]. Origine la loko apartenis al [[Novgorodo]], post ties konkero ankaŭ Gatĉina ekapartenis al la [[Granda Duklando de Moskvo]]. Dumtempe la urbo, kiel la tuta regiono [[Ingrio]], inter la jaroj 1583-1595 kaj 1617-1721 apartenis al [[Svedio]]. Caro [[Petro la Granda]] donacis la lokon al sia fratino Natalija. Dum la jaro [[1765]] la carino [[Katarina la Granda]] donis la lokon al sia favorito, grafo ''Grigorij Orlov'', kiu ĉi- tie konstruigis kastelon de 600 ĉambroj, kiu, unuafoje en Rusio, estis ĉirkaŭita de angleca [[pejzaĝa parko]]. La arkitekto ''Antonio Rinaldi'' inter la jaroj 1777 kaj 1782 ĉe la parka enirejo konstruigis grandan [[triumfa arko|triumfan arkon]]. La kastela interno estas dekorita en [[klasicismo|klasicisma stilo]] kaj konceptiĝis de ''Antonio Rinaldi'' kaj ''Vincenzo Brenna''. Italaj kaj rusaj metiistoj kreis la la internan dekoron kun plafonaj pentraĵoj, pargetaj plankoj kaj italaj mebloj.

Kiam grafo Orlov mortis dum la jaro [[1783]], la carino aĉetis la kastelon de la heredantoj kaj pludonis ĝin al sia filo, la pli posta caro [[Paŭlo la 1-a (Rusio)|Paŭlo la 1-a]]. Tiu dum la 1790-aj jaroj instigis ŝanĝetojn en novklasicisma stilo pri la kastela fasado kaj en la parko aldonis plurajn pontojn kaj paviljonojn. Post la morto de caro Paŭlo la kastelo komence restis neuzata. Nur [[Aleksandro la 3-a (Rusio)|Aleksandro la 3-a]] denove deklaris ĝin cara rezidejo. La lasta rusia caro, [[Nikolao la 2-a (Rusio)|Nikolao la 2-a]], ĉi- tie pasigis sian junecon. Post sia abdiko dum la jaro [[1917]] li dumtempe estis arestita en Gatĉina.