'''Gongo''' estas [[muzikinstrumento]], konsistanta el vertikale pendanta [[disko]] de [[metalo]], kiu forte kaj vibre resonas pro taŭga frapo; ĝi produktas difinitan [[tono]]n kaj povas esti agordita.<ref>[[NPIV]] [http://vortaro.net/#gongo] Alirita la 25an de Novembro 2018.</ref>
Gongo (el [[malaja]]: ''gong''; en [[ĉina]]: 鑼;en [[pinĝinopinjino]]: luó; en [[japana]]: 鑼, translit. ra; en [[ĥmera]]: គង - Kong; en [[tajlanda]]: ฆ้อง Khong; en [[vjetnama]]: cồng chiêng; en [[asama]]: কাঁহ kãh) estas [[frapinstrumento]] de Orienta kaj [[Sudorienta Azio]] kiu prezentas formon de plata, cirkla metaldisko kiu estas frapata per marteleto, frapilo aŭ bastoneto. La gongo datas el la [[Bronzepoko]] nome el ĉirkaŭ 3500 a.K. La termino 'gong' devenas el [[Javo]] kaj scienca kaj arkeologia esplorado establis, ke [[Birmo]], [[Ĉinio]], Javo kaj [[Anamo]] estis la kvar ĉefaj gongo-fabrikejaj centroj de la [[Antikveco|antikva mondo]].<ref> Blades, James (1992). Percussion Instruments and Their History. Bold Strummer Ltd. p. 93. ISBN 978-0933224612. </ref> La gongo poste faris sian vojon al [[Okcidento]] en la [[18a jarcento]] kiam ĝi estis uzata ankaŭ en la perkuta sekcio de okcident-stila [[simfonia orkestro]].<ref>[https://www.pro-technica.com/catalogue/paiste/gongs.pdf "Gongs Catalog" (PDF).] Paiste. Alirita la 25an de Novembro 2018.</ref> Ankaŭ formo de bronza [[kaldrono|kaldrona]] gongo konata kiel [[sonbovlo]] estis amplekse uzata en antikvaj Grekio kaj Romio, por ekzemplo en la fama Oraklo de [[Dodona]], kie estis uzataj ankaŭ diskogongoj.<ref> Montagu, Jeremy (2007). [https://www.worldcat.org/title/origins-and-development-of-musical-instruments/oclc/123539614 Origins and Development of Musical Instruments.] Scarecrow Press. p. 16–17. ISBN 9780810856578. </ref><ref> Cook, Arthur Bernard (1902). "The Gong at Dodona". The Journal of Hellenic Studies. 22: 5–28. </ref>
