Administra distriktaro (Germanio): Malsamoj inter versioj

'''Administra distriktaro''' aŭ simple '''distriktaro''' estas unuo de la [[ŝtato|ŝtata]] administrado de [[Germanio]], kiu ekzistas en kvar el la entute dek ses [[Federacia lando (Germanio)|federaciaj landoj]]. En tiuj federaciaj landoj ĝi hierarkie troviĝas inter la nivelo de la regionaj [[distrikto (Germanio)|distriktoj]] (germane: ''Kreis'' aŭ ''Landkreis'') aŭ [[urbo]]j sen aparteno al tia distrikto ([[eksterdistrikta urbo]], germane: ''kreisfreie Stadt'') unuflanke, kaj la nivelo de la [[federacia lando (Germanio)|federaciaj landoj]] aliflanke. La ideo do estas grupigi plurajn distriktojn kaj kune organizi iujn komunajn taskojn - tial la esperantlingva nomo. [[Germana lingvo|Germanlingve]] la administra unuo nomiĝas ''Bezirk'', ''Regierungsbezirk'' aŭ ''Verwaltungsbezirk'', depende de la federacia lando.