Jakoba Vojo: Malsamoj inter versioj

Unu el la tradicioj, kiuj plenigas la informan truon lasitan de la [[Agoj de la Apostoloj|Libro de Agoj]], estas tiu, kiu deklaras, ke Jakobo plenumis sian apostoladon en la [[Hispanio (Romia Imperio)|Romia Hispanio]] de la [[1-a jarcento]].{{sfn|Buide del Real|2015|p=616}} Estas kelkaj versioj de ĝi, kiuj diferencas ĉefe pri la loko, kie li alvenis, lia posta vojaĝo kaj la agoj faritaj, sed ĝenerale indikas, ke li iam estis en la duoninsulo dum la periodo inter la alveno de la [[Sankta Spirito]] al la apostoloj, jaro 33, kaj lia morto en [[Jerusalemo]], inter la jaroj 41 kaj 43.{{sfn|Vázquez de Parga|Lacarra|Uría Ríu|1948|p=179-200}} Li ne vidis sukcesojn de sia predikado, kvankam li varbis grupon de proksimaj sekvantoj al morto. Post lia ekzekuto, ili revenis kun la korpo al Hispanio, kie ili enterigis lin en la regadoj de la "[[Reĝino Lupa]]".{{sfn|Vázquez de Parga|Lacarra|Uría Ríu|1948|p=179-200}} En sendependa versio de la [[Armena Apostola Eklezio]], kiu ŝajnas datiĝi meze de la [[7-a jarcento]], temus pri virino el alta klaso kaj la sola konvertita disĉiplo. Ŝi akompanis Jakobon revene al Palestino kaj post lia senkapigado, ŝi translokigis la korpon al Hispanio, lasante la kapon en posedo de [[Jakobo la Justulo]], episkopo de Jerusalemo. La kapo de la apostolo, same kiel la restaĵoj de Jakobo la Justulo,{{sfn|Buide del Real|2015|p=604-605}} estus entombigitaj en la nuna katedralo dediĉita al ili en Jerusalemo.{{sfn|Vázquez de Parga|Lacarra|Uría Ríu|1948|p=179-200}}