Manika Markolo: Malsamoj inter versioj

La '''Manika Markolo''' aŭ '''"Maniko"''' (angle ''The English Channel'' [ði ˈɪŋglɪʃ ˈʧænəl], france ''La Manche'' [la mã̃ʃ]) disigas la [[Britio (insulo)|britan insulon]] de la kohera [[Eŭropo|eŭropa]] landmaso kaj ligas la [[Norda Maro|Nordan Maron]] kun la [[Atlantika Oceano]]. Ĝi situas inter [[Francio]] kaj [[Belgio]] sudaflanke kaj [[Britio (lando)|Britio]] nordaflanke. La nomon ĝi ricevis pro sia formo simila al [[maniko]]. En la [[markolo]] troviĝas [[insulo]]j, kiuj apartenas al [[Britio]], la [[Manikinsuloj]] kaj insulo [[Wight]]. La plej granda [[rivero]] kiu enfluas la markolon estas la [[Sejno (rivero)|Sejno]]. Konataj [[urbo]]j ĉe la bordoj de '''"Maniko"''' estas [[La Havro|Le Havre]], [[Calais]] kaj [[Cherbourg-en-Cotentin|Cherbourg]] (en Francio), [[Southampton]], [[Dover]] kaj [[Plymouth]] (en Britio).

Ekde [[1994]] la tielnomata [[Eŭrotunelo]] sub la kanalo ligas Brition al la fervoja reto de la eŭropa kontinento. [[Pramŝipo]]j veturas inter la plej gravaj urboj ambaŭflankaj. Gravaj pramŝipaj konektoj estas inter [[Dover]] kaj [[Calais]], inter [[Ouistreham]] kaj [[Portsmouth]], inter [[Cherbourg-en-Cotentin|Cherbourg]] kaj [[Portsmouth]] kaj inter [[Vlissingen]] kaj [[Sheerness]].