Parizo: Malsamoj inter versioj

La [[placo de la Konkordo]] (''place de la Concorde''), en la 8-a arondismento, situas je la eko de la Elizeaj Kampoj. Ĝi malnovtempe nomiĝis « placo [[Ludoviko la 15-a (Francio)|Ludoviko la 15-a]] », kaj estis cetere la loko, kie oni ekzekutis la kulpigitojn per la fama [[gilotino]] dum la [[Franca revolucio de 1789|franca revolucio]]. Majesta [[obelisko]], alportita el [[Egiptio]] en [[1829]] kaj donacita de la paŝao [[Muhammad Ali (paŝao)|Muhammad Ali]], hodiaŭ stariĝas centre de la placo: ĝi estas iasence la plej malnova monumento de Parizo. Sur la placo, ĉe la du flankoj de la strato Royale, ekzistas du identaj konstruaĵoj: la maldekstra entenas la francan ministrejon pri maro, dum la dekstra estas la luksa [[hotelo Crillon]]. La apuda [[placo Vendôme]] estas same famkonita pro siaj laŭmodaj, luksaj hoteloj (precipe la [[hotelo Ritz (Parizo)|hotelo Ritz]]), sed ankaŭ pro siaj ĵuvelistoj. Tie cetere troviĝas la ministrejo pri justico. La [[La Madeleine (Parizo)|preĝejo La Madeleine]] staras en eminenta loko oriente de la 8-a arondismento, atingebla rekte el la placo de la Konkordo.

La « [[Strato Faubourg Saint-Honoré|Faubourg Saint-Honoré]] », en la 8-a arondismento, estas unu la plej laŭmodaj kvartaloj de Parizo, kun famegaj firmaoj kiel [[Hermès]] aŭ [[Christian Lacroix]]. La [[palaco Elizeo]], kiu estas la loĝejo de la [[Prezidento de la Respubliko (Francio)|prezidento de la Respubliko]], situas en tiu kvartalo.