La '''nordaj kurdaj dialektoj''' aŭ '''Kurmanĝiokurmanĝia''', variaĵoj de la [[kurda lingvo]], estas parolataj en [[Turkio]] fare de proksimume 15 milionoj da parolantoj, kaj krome de eble 5 milionoj da homoj alie (2,8 milionoj en Irako laŭ nombroj de 2004, 940000 en Sirio laŭ nombroj de 1993, 350000 en Irano laŭ nombroj de 1998. Nacilingve ĝi nomatas ''kurdiya jorîn'', en [[araba skribo]] کوردیا ژۆرین, aŭ '''''kurmancî''''' {{prononco|kurMANĝi}}, en araba skribo کورمانجی. Ĝia [[ISO 639-3|ISO-kodo]] estas ''<code>krm</code>''. Sume proksimume 80 procentaĵoj de la parolantoj de la [[kurda lingvo]] apartenas al tiu dialektaro. Ĝi estas la oficiala ceremonia lingvo de la [[jezidismo]], kaj en tiu funkcio havas statuson de oficiala malplimulta lingvo en [[Armenio]]. Kvankam historie la kurda foje ankaŭ skribiĝis per la araba aŭ cirila skriboj, nuntempe normas specifa variaĵo de la latina skribo.
Kadre de la kurda lingvo la nordaj dialektoj kontrastas precipe al la [[centraj kurdaj dialektoj]], sume nomataj [[sorana lingvo]], kaj al la [[sudaj kurdaj dialektoj]], kaj en la [[irana lingvaro]] diferenciĝas ankaŭ de la proksimaj [[gorana lingvo]] kaj [[zazaa lingvo]].
