Respubliko Prusujo: Malsamoj inter versioj

La '''respubliko Prusujo''', kiu malvolvis kadre de la [[Novembra Revolucio (Germanujo)|Novembra Revolucio en Germanujo]] de 1918 el la [[reĝlando Prusujo|prusa monarĥio]], estis la plej granda [[federaciero]] de la [[Germana Regno]] dum la [[Vajmara Respubliko]]. Laŭ sia konstitucio el 1920 [[parlamenta respubliko]], [[Prusujo]] montriĝis kiel politike pli stabila ol la regno mem. La [[respubliko]]]n preskau kontinue regis partioj de la [[Weimarer Koalition]]: [[Socialdemokratia Partio de Germanujo|SPD]], [[Germana Demokratia Partio|DDP]] kaj [[Zentrumspartei]], dumtempe kompletigitaj per la [[Deutsche Volkspartei|DVP]]. Je nur mallongaj interrompoj la Socialdemokratoj prezentis per [[Paul Hirsch]] kaj [[Otto Braun]] la ĉefministrojn. Precipe la ministroj pri internaj aferoj [[Carl Severing]] kaj [[Albert Grzesinski]] antaŭenigis la reformon de administrado kaj polico laŭ respublika senco, tiel ke Prusujo dum la Vajmara Epoko validis kiel bastiono de demokratio. Per la kontraŭkonstitucia<ref>Juĝo de la Regna Juĝejo de la 25-a de oktobro 1932</ref> [[ŝtatrenverso]] el 1932 Regna Kanceliero [[Franz von Papen]] sumetis la landon al la Regna Registaro kaj prenis tiel al ĝi ĝian memstarecon. Per tio la respubliko fakte jam estis ĉesinta ekzisti antaŭ la [[nazia potencpreno en Germanujo]], kvankam laŭforme plue oficis prusa registaro sub [[Hermann Göring]]. Post la fino de la [[Dua Mondmilito]] la leĝo de la [[Aliancita Kontrolkonsilantaro]] ordonis la 25-an de februaro 1947 ankaŭ jure la malfondadon de Prusujo.

 

{{Commonscat|Freistaat Preußen}}

* http://www.gonschior.de/weimar/Preussen/index.htm