En [[1952]] li fondis eldonejon [[Eldonejo Stafeto|Stafeto]] kaj dum kvaronjarcento eldonadis juvelojn de nia literaturo, poezion, prozon, sciencajn verkojn, lingvajn analizojn k.s.
Lia dua eldonaĵo ''La baptoBapto de caroCaro Vladimir'' de la [[ĉeĥioĉeĥujo|ĉeĥa]] [[satiro|satira]] [[poeto]] [[Karel Havlíček Borovský|Karel Havlíček Borovský]] en majstra traduko de [[Tomáš Pumpr]] grave endanĝerigis lin, ĉar la [[Francisco Franco|frankisma]] [[reĝimo]] en [[Hispanio]] vidis en la kritiko de tiranismo sian kritikon. La estraranoj de la [[Hispana Esperanto-Federacio]] timis, ke tio povus kaŭzi ĉesigon de esperanto-movado en la lando, tial ili petis la eldoniston forbruligi la tutan eldonon, kion li rifuzis. Interese estas, ke ankaŭ la komunisma reĝimo en [[Ĉeĥoslovakio]] malebligis al la tradukinto aĉeti la libron (ĉiujn fremdajn valutojn la loĝantaro devis transdoni al la ŝtato kaj tiu rifuzis liberigi monon por aĉeti la libron).
Régulo Pérez estis membro kaj kunfondinto de [[AIS]] San-Marino.
