Almuñécar: Malsamoj inter versioj

 

==Historio==

Kiam venis romianoj, ili trovis jam establitan urbon de [[fenicoj]] kun industrio de salnutraĵoj kaj stampado de propraj moneroj. Dum la [[Romia Imperio]] oni urbigis plie la urbon per [[templo]]j, [[teatro]] kaj [[akvedukto]]. En tempo de [[Al Andalus]], la fama vojaĝisto [[Muhammad al-Idrisi]] jam menciis la ruinojn de iamaj tempoj. En [[755]] elŝipiĝis tie [[Abd ar-Rahman la 1-a]], kiu fondis post unu jaro la [[Emirlando de Kordovo|Emirlandon de Kordovo]]. Almuñécar apartenis al la [[Korao (teritoria divido)|korao de Elvira]]. Tiam estis sur la marbordo ''hisn'' aŭ [[kastelo]], kaj nur en la 11a jarcento estis vera urbo aŭ ''medina''. Oni produktis [[sukerkano]]n, [[banano]]jn, [[sekvinbero]]jn, [[cerealo]]n, fruktojn kaj estis grava fiŝkaptado. Estis fiŝkaptista haveno, kvartaloj ekstermuregaj, [[bazaro]] kaj ĉefa [[moskeo]]. En la alandalusaj epokoj de la [[Tajfo Granado]] kaj de la [[Nazaria Granada Reĝlando]], Almuñécar estis la plej grava marborda urbo kaj estis vizitata de la reĝa familio. Post la falo de Baza al la kristanoj en 1489 la marbordo de Granado kapitulacis al Kastilio decembre samjare, laŭ kapitulacoj subskribitaj en Almuñécar. En 1569, dum la Milito de Alpujarras, la estro de la [[moriskoj]] nome Aben Aboo, atakis la vilaĝon kun tri mil homoj, sed malsukcese. En la postaj jarcentoj ankaŭ turkoj kaj britoj atakis la kastelon.