La Cseh-metodo naskiĝis pro neseconeceso, kiam Andreo Cseh volis gvidi kurson en [[1920]] en la [[Transilvanio|transilvania]] urbo [[Sibiu]] por societo de [[Laboristo|laboristoj]] el tri nacioj. [[Lernolibro]]j ne haveblis kaj mendi ion el eksterlando neeblis, ĉar la limoj estis ankoraŭ fermitaj. Cseh decidis ne doni kurson en la ordinara senco de la vorto, sed gvidi simplan konversacion. Nigra tabulo kaj kreto helpis la instruiston, papero kaj [[krajono]] la [[lernanto]]jn. La provo sukcesis. Komence Cseh parolis pri aferoj plej proksimaj kaj uzante nur la plej simplajn gramatikajn elementojn. Poste li transiris iom post iom al temoj pli malproksimaj kaj al gramatikaĵoj pli malfacilaj. El la praktiko ŝajnis ke post dudek lecionoj de du horoj oni povis interparoli en Esperanto.
