Taglibro trovita en bankuvo

Taglibro trovita en bankuvo (pole Pamiętnik znaleziony w wannie) – romano de Stanisław Lem, unue eldonita de Wydawnictwo Literackie en 1961.

Taglibro... estas romano lokita en la jaro 3149 de la nova kalendaro (ĉ. 5000 laŭ la nuna), kiam la titola taglibro estas retrovita. La ĉefaj eventoj estas priskribitaj en la taglibro kaj rilatas al la eventoj de antaŭ 1680 jaroj.

Temas pri rememoroj de agento malliberigita profunde en la subtera armea komplekso Nova Pentagono, ie sub la Roka Montaro. La mondo kaj vivo de sekreta registara komplekso similas al kafkaj vizioj pri burokratio kaj perdiĝo en la raddentoj de oficistaj maŝinoj. La heroo en ĉi tiu malamika mondo, kie nur li ŝajnas esti normala, devas, sub la minaco de sia vivo, daŭrigi la sekretan mision de milita agento, direktitan kontraŭ nekonataj internaj malamikoj. Ĉio estas organizita laŭ la stilo de ultra-sekretaj spionaj aventuroj.

La rakontanto trovas sin en paranoja distopio, kie nenio aspektas tia, kia reale estas, kaj ĉio ŝajnas esti regata de kaoso. Ĉiuj suspektas unu la alian. En danĝero perdi la menson, la ĉefrolulo komencas konservi la titolan taglibron, en kiu li notas la detalojn de la lastaj tagoj. Estonte, ĉi tiuj notoj estos eltiritaj el la ruinoj de Nova Pentagono, trovitaj en bankuvo, kiu estis la sola rifuĝejo de la heroo. Kiel kelkaj konservitaj paperaj datumportiloj (post la katastrofo de papyrolizo), ĉi tiu verko atestas pri la malnovaj tempoj.

Eksteraj ligoj

Pri la libro en la oficiala retejo de la aŭtoro