Pesaĥo: Malsamoj inter versioj

'''Pesaĥo''' (alinome '''juda Pasko''' aŭ '''hebrea Pasko''') estas printempa [[judismo|juda]] festo. Aliaj nomoj estas "la festo de la printempo", "la festo de la libero", kaj "la festo de la [[maco]]j". Ĝi estas festo de la eliro de la izraelidoj el antikva Egipto, rakontita en la libro de la [[Biblio]] ''[[Eliro]]''. Ĝi komenciĝas la 15-an de la juda monato [[Nisan]] (sed kiel ĉiuj judaj festoj, ĝi komencixas en la vespero de la antaŭa tago), kaj daŭras 7 tagojn (8 tagojn ekster [[Israelo]]). Dum la unua nokto (kaj dum la dua ekster [[Israelo]]), judoj faras ritan festenon nomata ''Seder'' (''ordo'' en la [[hebrea]]), en kiu ili rakontas la eliron per fiksita ritordo kaj multe da simbolismo. Dum la tuta festo, judoj ne manĝas panon kaj aliajn fermentaĵojn, kaj forigas tiujn de sia posedo. [[Maco]] estas biskvit-simila manĝaĵo farita el faruno kaj akvo kaj bakita je alta temperaturo antaŭ ol ĝi povas fermenti. Ĝi anstataŭas panon dum Pesaĥo. Laŭ la tradicio, kiam la izraelidoj eliris el Egipto, ili eliris haste, kaj ne havis tempon lasi al sia pano fermenti, kaj tiel rezultis maco, kaj tial oni manĝas macon dum Pesaĥo, kaj evitas fermentaĵojn.

 

 

[[Kategorio:Judismo]]

 

[[de:Pessach]]