Klerismo: Malsamoj inter versioj

En [[Rusio]], la registaro komencis kuraĝigi la progresigon de artoj kaj sciencoj en la mezo de la [[18-a jarcento]]. Tiu epoko produktis la unuajn rusiajn universitaton, bibliotekon, teatron, publikan muzeon kaj sendependajn gazetojn. Kiel aliaj [[Klera despotismo|klerdespotoj]], [[Katerina la 2-a (Rusio)|Katerina la 2-a]] ludis ŝlosilan rolon en la promocio de artoj, sciencoj kaj edukado. Ŝi uzis sian propran interpretadon de klerismaj idealoj, helpita de elstaraj internaciaj fakuloj kiel [[Voltero]] (koresponde) kaj de surloke loĝantaj altrangaj sciencistoj kiel [[Leonhard Euler]] kaj [[Peter Simon Pallas]]. La nacia rusa Klerismo diferencis de sia okcidenteŭropa analogo en tio, ke ĝi promociis plian modernigon de ĉiuj aspektoj de la rusa vivo, kaj tio rilatis al la atako kontraŭ la institucio de la [[servuteco]] en Rusio. La rusa Klerismo centriĝis en la individueco anstataŭ en la socia Klerismo kaj kuraĝigis la faron de klerisma vivo.<ref>Elise Kimerling Wirtschafter, "Thoughts on the Enlightenment and Enlightenment in Russia", ''Modern Russian History & Historiography'', 2009, Vol. 2 Issue 2, pp.&nbsp;1–26</ref>{{sfn|Israel|2011|pp=609–32}} Grava elemento estis ''prosveŝĉenie'', kiu kombinis religian piecon, erudicion kaj engaĝigon por la etendo de lernado. Tamen, mankis la skeptika kaj kritika spirito de la okcidenteŭropa Klerismo.<ref>Colum Leckey, "What is Prosveshchenie? Nikolai Novikov's Historical Dictionary of Russian Writers Revisited." ''Russian History'' 37.4 (2010): 360–77.</ref>