Bjelovar: Malsamoj inter versioj

 

Bjelovar situas en la interna parto de la lando, 90 kilometrojn nord-orienten de la kroata metropolo Zagrebo. Ĝi estas administra kaj kultura centro de la Departemento Bjelovar Bilogora kaj de la katolika Diocezo Bjelovar-Križevci. Ĝi estas unu el la plej novaj urboj en Kroatio, konstruita laŭplane en 1756 per la decido de la habsburga imperiestrino Maria Theresia kiel militista urbo, kun la tasko gardi la regionon kontraŭ la otomanaj atakoj. Bjelovar ĉiasence estas verda urbo pro siaj parkoj kaj la tradicio de Esperanto ekde 1909![[Dosiero:Bjelovar Dom kulture.JPG|eta|250x250px|Sinagogo, nun kulturdomo en Bjelovar]]

 

== Situo ==

 

Bjelovar situas ĉe la nacia vojo D 28 kondukanta de la [[Kroata aŭtovojo A4]] pere [[Vrbovec]] al [[Daruvar]]. El Zagrebo al Bjelovar vi povas vojaĝi per buso aŭ trajno. Busoj startas el la Busa stacidomo (Autobusni kolodvor Zagreb). La unua buso al Bjelovar ekveturas je la 4h45 kaj la lasta je la 20h30. La transporton organizas la kompanio Čazmatrans, la vojaĝo daŭras ĉirkaŭ 110 minutojn kaj unudirekta bileto kostas proksimume 80 kunaojn (11 eŭrojn). Trajne estas nur du trajnoj tage ekde la ĉefa fervoja stacidomo ''Zagreb Glavni kolodvor'' kaj la vojaĝo daŭras ĉirkaŭ 110 minutojn, unudirekta bileto kostante 60,00 kunaojn (8,50 eŭrojn).