Subŝtatoj de Brazilo: Malsamoj inter versioj

{{Mapo de Brazilo}}La [[ŝtato]] [[Brazilo|Federacia Respubliko Brazilo]] estas dividita administre kaj politike en 27 federacierojn: 26 ''estados'', kiuj en Esperanto korespondas al la politika koncepto de [[subŝtato]]j, kvankam la laŭvorta traduko el la [[portugala]] estus "ŝtatoj", kaj plus unu ''Distrito Federal'', en Esperanto [[Federacia Distrikto (Brazilo)|Federacia Distrikto]]. Laŭ la oficiala uzo de la [[portugala lingvo]], neniam ekzistis ia termino "subestado" (laŭvorta traduko de "subŝtato") en tiu lingvo: Ĉiam temis pri ŝtatoj aŭ, dum la imperia periodo, pri provincoj. Tial brazilaj esperantistoj tendencas klarigi ke Brazilo estas "ŝtato el 26 ŝtatoj kaj federacia distrikto", kaj substrekas ke en pluraj aliaj landoj estas simila tendenco nacilingve nomi '''''kaj''''' la [[suvereneco|suverenan]] [[membroŝtatoj de Unuiĝintaj Nacioj|membroŝtaton de Unuigintaj Nacioj]] '''''kaj''''' ties unuarangajn administrajn partojn per la vorto "ŝtato" (ekzemple en Usono, Meksiko, Venezuelo kaj Niĝerio estas simile en la oficialaj ŝtataj lingvoj, la angla kaj hispana). Kelkaj esperantistoj opinias, ke esperantlingve la pli ekzakta lingvouzo estus nomi la 26 ''estados'' de Brazilo "[[subŝtato]]j", pro tio ke ne temas pri suverenaj ŝtatoj. Tamen la plej ampleksa kaj prestiĝa Esperanta difinvortaro, nome [[Plena Ilustrita Vortaro de Esperanto|PIV]], ne registras la vorton ''subŝtato'' kaj indikas, ke oni uzu la vorton ''ŝtato'' por paroli kaj pri la politika formo (sen ideo pri suvereneco) kaj por la federaciero<ref>{{cite web|url=http://vortaro.net/#%C5%9Dtato|title=Kapvorto 'ŝtato' ĉe PIV|accessdate=la 25-an de augŭsto 2017}}</ref>.