Akita Tokuzu

Akita Tokuzo (pseŭdonome Akita-Uĵaku aŭ Ujaka Akita) (naskiĝis en 1883 en Aomori-ken - mortis en 1962) estis japana socialista verkisto kaj esperantisto.

Akita Tokuzu
Persona informo
Naskonomo	秋田 徳三
Naskiĝo	30-an de januaro 1883 (1883-01-30) en Gubernio Aomori
Morto	12-an de majo 1962 (1962-05-12) (79-jaraĝa) en Nakamaruchō
Lingvoj	Esperanto
Ŝtataneco	Japanio
Alma mater	Universitato de Ŭaseda
Okupo
Okupo	poeto • verkisto • esperantisto • dramaturgo • romanisto

Studis anglan literaturon en Waseda Universitato. Vizitis Sovetan Rusujon 1927. Li verkis dramojn kaj ankaŭ verkojn por infanoj, precipe en gazetaraj rakontoj.

Esperantisto de 1913 pere de Vasilij Eroŝenko. Gvidanto de Japana proleta Esperanto-movado, membro de la grupo „la Semanto“, la unua proleta verkista rondo en Japanio (1921).

En januaro 1931 okazis fondiĝo de l' tutjapana organizo, Japana Prolet-Esperantista Unio (JPEU), kun ĉirkaŭ 150 membroj, kaj Akita-Ujaku fariĝas prezidanto.

Kelkaj liaj dramoj esperantigitaj.

Verkoj en Esperanto

• Fonto de sudroj. Danco de skeletoj. Nokto ĉe landolimoj. (Tri dramoj, kun permeso de la aŭtoro el japana lingvo trad. Haĵime Ŝuzui, Kaname Susuki. - Tokio: Japana Esperanto-Instituto, 1927. - 73 p.)
• Tiuj, kiuj ĉirkaŭas la ĉerkon (Esperantigita de Junko Sibata. -[Tokyo]: Kokusaigo-Kenkju-Ŝa, [proks. 1925]. - 14 p.)

Recenzoj

Pri Fonto de sudroj. Danco de skeletoj. Nokto ĉe landolimoj.

	„ Interesaj por nia movado estas la tradukaĵoj el la ekstereŭropaj literaturoj. Tiuj ĉi estas bone tradukitaj. La libro vekos intereson ĉe la Esperantistaro kaj estas rekomendate al ĝi doni lokon en ĉiu ekzistanta biblioteko por Esperantistaj. La aŭtoro de la teatraĵoj estas fervora samideano kaj ĉiam klopodas propagandi Espeianton en Japanujo. ” — Belga esperantisto n154 (dec 1927)

Literaturo

• Bronŝtejn, Mikaelo. [2017] “Mi korespondas preskaŭ kun ĉiuj landoj de la mondo”, Sortoj frakasitaj (esperante). Moskvo: Impeto. ISBN 978-5-7161-0299-6.

Eksteraj ligiloj

Trovu « Akita Tokuzu » inter la Vizaĝoj de homoj rilataj al la ideo «Internacia Lingvo»

• Anglalingva bibliografio de liaj porinfanaj libroj

		Ĉi tiu teksto estas prenita el la Enciklopedio de Esperanto 1934. Vi povas plibonigi ĝin per vikiigo kaj aktualigo de la enhavo. Kiam la origina teksto estos sufiĉe vikiigita kaj aktualigita, forigu ĉi tiun kadron, kaj anstataŭe enmetu la ŝablonon EdE en la artikolon.
Akita Tokuzo (ps. Akita-Uĵaku), japano, verkisto, socialisto. Nask. 1883 en Aomori-ken. Studis anglan literaturon en Waseda Universitato. Vizitis Sovetan Rusujon 1927. E-isto de 1913. Gvidanto de J proleta E movado. Liajn dramojn junuloj tradukis: Danco de Skeletoj, 1927.