Alianco de Nordiaj Verdaj Maldekstruloj

Alianco de Nordiaj Verdaj Maldekstruloj (NVE) estas ligo de kvin skandinaviaj politike verdaj (ekologiaj) kaj maldekstraj (socialismaj kaj komunismaj) partioj. La alianco fondiĝis la 30-an de januaro kaj 1-an de februaro 2005 en Rejkjaviko.

Alianco de Nordiaj Verdaj Maldekstruloj
Nordic Green Left Alliance
politika alianco
Komenco	1-a de februaro 2004 vd
Ideologio	demokrata socialismo
Ĝenerala(j) Sekretario(j)	Mia Haglund vd
Retejo	Oficiala retejo

Al la Alianco aliĝis jenaj politikaj partioj:

Lando	Nomo en Esperanto	Nomo en la nacia lingvo	Mallongigo	Nacia parlamento	Eŭropa Parlamento |-	Danio	Socialista Popola Partio	Socialistisk Folkeparti	SF	7/175	1/13
Finnlando	Maldekstra Ligo	Vasemmistoliitto	Vas.	12/200	1/13
Gronlando	Eskima Komunumo	Inuit Ataqatigiit	IA	11/31	-
Ferooj	Respubliko	Tjóðveldi	E	7/33	-
Islando	Verda kaj Maldekstra Movado	Vinstrihreyfingin - grænt framboð	VG	7/63	-
Norvegio	Socialisma Maldekstra Partio	Sosialistisk Venstreparti	SV	7/169	-
Svedio	Maldekstra Partio	Vänsterpartiet	V	21/349	1/20

La membropartioj de la Alianco interkonsentis pri la komuna politika programo, kiu fokusiĝas kaj pri ekologiaj kaj pri sociaj temoj. Laŭ la alianca statuto, la gvida instanco de la organizaĵo estas konsilio, kiu konsistas el la prezidantoj de la membropartioj, paralele al simila instanco en la partio Eŭropa Maldekstro. La formale plej supera instanco estas la ĉefkunveno.

La Alianco havas siajn deputitojn en la Eŭropa Parlamento. Partioj de la Alianco el Finnlando, Islando, Norvegio kaj Svedio kun la Eŭropa Maldekstro kunkreas Konfederacian Frakcion de la Unuiĝintaj Eŭropaj Maldekstruloj/Nordiaj Verdaj Maldekstruloj (UEM/NVM). Nur la partio el Danio (Socialista Popola Partio) decidis aliĝi al la Frakcio de la Verduloj kaj Eŭropa Libera Alianco (Verduloj/ELA).

Eksteraj ligiloj

• Oficiala retpaĝo de la Alianco de Nordiaj Verdaj Maldekstruloj Arkivigite je 2007-09-28 per la retarkivo Wayback Machine angle