Arbaroj de Sunda Lando sur Kerangas
La arbaroj de Sunda Lando sur kerangas estas speciala tipo de la biomo tropikaj kaj subtropikaj humidaj foliarbaroj, kiuj troviĝas en Borneo, insulo partigita inter Brunejo, Indonezio kaj Malajzio. Tiu tipo de arbaroj konstituas tersupraĵan ekoregionon el la sundalanda-filipina ekoprovinco de la orientalisa ekozono laŭ la tipologio de la Monda Natur-Fonduso (WWF), kaj ankaŭ ekzistas en la indoneziaj insuloj de Belitung kaj Bangka, kiuj situas okcidente de Borneo. La ekoregiono situas en Sunda Lando, biodiverseco-riĉaĵejo laŭ la organizaĵo Naturprotekto Internacie.
| Arbaroj de Sunda Lando sur Kerangas | ||||
|---|---|---|---|---|
| ekoregiono | ||||
 | ||||
| ekoregiono • ekoregiono laŭ Monda Natur-Fonduso [+] | ||||
| Landoj | Indonezio, Malajzio | |||
| Koordinatoj | 1° 0′ 0″ N, 114° 0′ 0″ O (mapo)1114Koordinatoj: 1° 0′ 0″ N, 114° 0′ 0″ O (mapo) [+] | |||
| Areo | 76 130 km² (7 613 000 ha) | |||
| Biomoj de regiono | Tropikaj kaj subtropikaj humidaj foliarbaroj | |||
|
||||
 |
||||
| Arbaroj de Sunda Lando sur Kerangas | ||||
Priskribo redakti
Angle oni nomas tiaj tropikaj arbaroj heath forests aŭ, laŭvorte tradukite, erikejaj arbaroj. Ili tute ne konsistas el erikacoj sed en iu maniero havas erikejan formon, precipe post troa homa perado.
La vorto kerangas signifas "grundo kie rizo ne povas kreski", kaj originas el la Iban lingvo apartenante al la aŭstronezia lingvaro. Kerangas sinonimas al acidaj sablaj grundoj kiuj rezultas el la siliciaj patrin-rokoj de la areo. Daŭre akve ellavitaj arbaroj sur kerangas estas konataj kiel kerapah arbaroj. Al la sabla grundo de la arbaroj sur kerangas ofte mankas nutraĵaj elementoj; ĝenerale oni akceptas ke azoto estas la elemento kiu pleje mankas en tiuj ĉi arbaroj. Tio kontrastas al multaj aliaj malaltaĵaraj pluvarbaroj kie fosforo estas konsiderata kiel mankanta.
Pli freŝdata hipotezo, proponita far Proctor [1], estas ke tiuj arbaroj kreskas sur grundoj kiuj estas altgrade acidaj, tiel ke hidrogen-jona veneneco malebligas kreskadon de neadaptitaj specioj.
Flaŭro redakti
La ekoregiono distingiĝas de la ĉirkaŭantaj malaltaĵaraj pluvarbaroj de Borneo rilate al konsisto, strukturo, teksturo kaj koloro. La arbaroj de Sunda Lando sur Kerangas havas malaltan, unuforman kanopeon, kun densa subarbaraĵo kaj riĉa kreskado de muskoj kaj epifitoj.
Multaj arbaj kaj herbaj specioj en la nutraĵ-malriĉaj arbaroj de la ekoregiono estas disvolvintaj nekonvenciajn manierojn por trovi siajn nutraĵajn elementojn. Iuj arbaj specioj (Gymnostoma nobile, ekzemple) uzas rizobiojn ( bakteriojn kiuj fiksas azoton en la grundo ) en siaj radikaj tuberetoj.
Mirmekofitoj, inkluzive de Myrmecodia spp. kaj Hydnophytum spp., estas arbaj specioj kiuj disvolviĝas simbiozajn asociojn kun formikoj por obteni siajn nutraĵajn elementojn. Aliaj plantoj, inkluzive de Nepenthes spp., droseroj (Drosera ssp.), kaj Utricularia ssp., estas karnovoraj, kaptante kaj digestante insektojn.
La ekoregiono estas karakterizata de multaj plantoj de aŭstralazia origino, inkluzive de arboj de la familioj mirtacoj kaj kasuarinacoj kaj la gimnospermoj el la Suda duonsfero : agatido (Agathis), podokarpo (Podocarpus), kaj dakridio Dacrydium.
Referencoj redakti
- ↑ Proctor, J. 1999
Bibliografio redakti
Vidu ankaŭ redakti
Eksteraj ligiloj redakti
- angle Ekoregiono IM0161 : Arbaroj de Sunda Lando sur Kerangas (WWF)
- angle Arbaroj de Sunda Lando sur Kerangas (Worldwildlife)
- angle Arbaroj de Sunda Lando sur Kerangas (Wildworld) - Nacia Geografia Societo
- angle Arbaroj de Sunda Lando sur Kerangas (The Encyclopedia of Earth)
- angle Arbaroj de Sunda Lando sur Kerangas (Globalspecies) Arkivigite je 2016-03-07 per la retarkivo Wayback Machine
- angle Mapo de la ekoregiono : tajpu Sundaland heath forests. Arkivigite je 2011-10-14 per la retarkivo Wayback Machine
- angle Sunda Lando (Naturprotekto Internacie)
