Arkeologia kulturo

En arkeologio oni nomas materiala kulturo aŭ arkeologia kulturo la aron de objektoj, ujoj, iloj, konstruaĵoj, ktp. kiuj formas la materian medion de ia kulturo.

Ceramiko estas facile rekonata formo de materia kulturo ĉar ĝi estas ofte trovita kiel arkeologiaj artefaktoj, reprezentante kulturojn de la pasinteco.

Por venki la malfacilaĵojn de natura medio, la homoj, ekde pratempoj, kreis multajn ilojn el la naturaj rimedoj. Krom utilajn, homoj kreis ankaŭ belajn aĵojn, kiujn oni konsideras artaj. Tiuj materiaj aferoj signifas la pensmanieron kaj valorojn de ĉiuj kulturoj kaj ĉiuj socioj.

Ekzemploj

• Aŭrinjaka kulturo
• Gravetia kulturo
• Hallstatt-kulturo
• La-Tène-kulturo
• Ŝatelperona kulturo