Bartolomeo
Bartolomeo estas vira persona nomo, konata ĉefe pro la kristana apostolo Bartolomeo. Ĝi ekzistas en multaj nacilingvaj variaĵoj, kaj foje ankaŭ uziĝas kiel familia nomo.
Etimologio redakti
La nomo Bartolomeo origine estas el la aramea lingvo kaj signifas "filo de Tolmai" (= "filo de la plugisto"). En la epoko de Jesuo, tre konatiĝis la Jesua apostolo Bartolomeo - honore al la kristana sanktulo nomiĝis multaj knaboj dum la sekvaj jarcentoj. La greka formo de la nomo estis Βαρθολομαίος, Bartholomaios , la latina Bartholomeus. La Bartolomeoj festas sian nomtagon je la 24-a de aŭgusto (tiutage okazis la Bartolomea nokto dum la jaro 1572 en Parizo, kiam la katolikoj amasbuĉadis la lokajn protestantajn kristanojn). La grekkatolika eklezio festas la nomtagon de la sanktulo la 11-an de junio.
Ikonografio redakti
La apostolo Bartolomeo plej ofte en skulptaĵoj, pentraĵoj kaj aliaj artaĵoj bildiĝas kun tranĉilo, foje li ankaŭ portas sian propran haŭton en la manoj. Tio memorigas pri lia martira morto pro senhaŭtigo.
Variaĵoj redakti
- Amhare: Berteloméwos
- Angle: Bartholomew, Bart
- Ĉeĥe: Bartoloměj
- Finne: Perttu
- France: Barthélemy
- Germane: Bartholomäus, Bartolomäus, Bartholomä, Bartholomae, Bartolomä, Bartolomae, Barthel, Barthelme, Bartholomay
- Greke: Βαρθολομαίος Bartolomaios, Πτολεμαῖος Ptolemaios
- Hispane: Bartolomé
- Hungare: Bertalan (persona nomo), Bartal, Bartos, Bartó (familiaj nomoj)
- Irlande gaele: Baitrliméad, Parthálan
- Itale: Bartolomeo, Bartolommeo, Bartholomeo
- Katalune: Bartomeu
- Kroate: Bartolomej
- Latine: Bartolomaeus, Bartolus
- Malte: Bartoloméw (skriba lingvo), Bartilméw (parola lingvo)
- Nederlande: Bartholomeus, Bartel
- Pole: Bartłomiej aŭ Bartosz (longaj formoj); Bartek, Bartuś (mallongigoj, karesformoj)
- Portugale: Bartolomeu
- Provence: Barthomieu
- Ruse: Warfoliomiej
- Skote gaele: Párlan
- Svede: Bartolomaios, Bartolomeus
- Serbe: Vartolomej Вартоломеј
- Slovake: Bartolomej
- Slovene: Jernej
Mallongigoj redakti
Famaj Bartolomeoj redakti
- Bertalan Árkay hungara konstruisto
- Bertalan Farkas hungara kosmonaŭto
- Bertalan Szemere hungara politikisto
- Bartholomeus Assteyn, nederlanda pentristo de la 17-a jarcento
- Bartholomeus Breenbergh, nederlanda pentristo de la sama epoko
- Bartholomeus van der Helst, nederlanda pentristo de la sama jarcento
Kiel familia nomo redakti
- Norbert Barthelmess, esperantisto, tradukis i. a. la verkon Faŭsto de Goethe al Esperanto.
Vidu ankaŭ redakti
- Esperantaj personaj nomoj
- Saint-Barthélemy, insulo en la Kariba Maro nomata laŭ Bartolomeo