Belfort (komunumaro)
publikigita versio estis patrolita je 6 apr. 2024. Estas kontrolendaj ŝanĝoj de ŝablonoj/dosieroj.
Ŝanĝoj al ŝablonoj aŭ dosieroj en ĉi tiu versio estas kontrolendaj. La stabila versio estis patrolita je 6 apr. 2024.
La komunuaro Belfort estas administra unuo de Kantono Grizono kaj parto de la distrikto Albulo. Ĝi havis 1493 loĝantojn la 31-an de decembro 2009. Ĝia ĉefloko estas Surava.
| Komunumaro Belfort | |
|---|---|
_wappen.svg) | |
 | |
 | |
| subdistrict of the canton of Graubünden | |
| Kantono | Grizono |
| Distrikto | Albulo |
| Ĉefloko | Surava |
| Koordinatoj | 46° 39′ N 9° 36′ O / 46.650 °N, 9.600 °O (mapo)Koordinatoj: 46° 39′ N 9° 36′ O / 46.650 °N, 9.600 °O (mapo) |
| Nombro de loĝantoj | 1493 (2009-12-31) |
| Areo | 88,84 km² |
| Loĝantardenseco | 17 loĝantoj/km² |
Geografio redakti
La komunumaro etendiĝas de la valo de la rivero Albulo en sudo ĝis al la monto Lenzerhorn kun alteco de 2906 m s.m. en nordo. Ĝian sudorientan limon formas la rivero Landwasser. La komunumaro limas en nordo al la komunumaro Churwalden en la distrikto Plessur, en oriento al la komunumaro Prättigau, en sudoriento al la komunumaro Bergün, kaj en sudo kaj okcidento al la komunumaro Alvaschein.
Komunumoj de la komunumaro Belfort redakti
La komunumaro Belfort konsistas (ciferoj je fino de 2009) el la sekvantaj 5 komunumoj, el kiuj laŭ loĝantaro la plej granda estas Lantsch/Lenz.
| Blazono | Nomo | Loĝantoj (2008-12-31) |
Areo en km² |
Komunumkodo |
|---|---|---|---|---|
 |
Alvaneu | 383 | 35.63 | 3511 |
 |
Brienz/Brinzauls | 112 | 13.37 | 3512 |
 |
Lantsch/Lenz | 529 | 21.81 | 3513 |
 |
Schmitten | 261 | 11.35 | 3514 |
 |
Surava | 208 | 6.68 | 3515 |
| Totale | 5 | 1493 | 88,84 |
Historio redakti
La Kastelo Belfort norde de Brienz/Brinzauls, kiu menciiĝis la unua fojon en la jaro 1222, estis fondita de la Senjoroj de Vaz, kaj estis en la 13-a jarcento ankaŭ ties sidejo. En la teritorio de Schmitten kaj Wiesen, kiu antaŭe estis alpopaŝtejo de Alveneu, ek de la 14-a jarcento setlis valzoj. De 1338 ĝis 1436 en Belfort regis la Grafoj de Togenburgo. Post la morto de Frederiko la 7-a de Togenburgo Belfort aliĝis por eviti dispeciĝon de la heredaĵo al la Dektribunala Federacio. En la jaro 1477 Aŭstrio akiris la rajtojn pri Belfort, kies teritorio dividiĝis intertempe en du tribunalajn duondistriktojn. En la jaro 1652 la belfortanoj sin liberaĉetis de la aŭstria regado. En la jaro 1851 la plejparte germanlingva tribunalkomunumo Belferot fariĝis la hodiaŭa komunumaro Belfort en la distrikto Albulo, dum Churwalden fariĝis komunumaro en la distrikto Plessur kaj Wiesen estis atribuita al la komunumaro Bergün. [1]
Notoj kaj referencoj redakti
Eksteraj ligiloj redakti
- Vidu ankaŭ en la Vikimedia Komunejo la kategorion Komunumaro Belfort – (Kolekto de bildoj kaj plurmediaj dosieroj)