Bernardo Pasquini
Bernardo Pasquini (* 8-a de decembro 1637 en Massa in Val di Nievole, Toskanio; † 22-a de novembro 1710 en Romo) estis itala orgenisto, klavicenisto, kapelestro kaj komponisto de operoj kaj sakrala muziko.
| Bernardo Pasquini | |
|---|---|
| |
| Persona informo | |
| Naskiĝo | 7-an de decembro 1637 en Massa e Cozzile |
| Morto | 22-an de novembro 1710 (72-jaraĝa) en Romo |
| Tombo | San Lorenzo in Lucina |
| Lingvoj | itala |
| Ŝtataneco | Italio |
| Okupo | |
| Okupo | orgenisto • komponisto • klavicenisto |
Vivo redakti
Bernardo Pasquini naskiĝis en Massa , Valle de Nievole , Toskanio. Li estis lernanto de Marc'Antonio Cesti kaj Loreto Vittori. Kiel junulo li iris al Romo kaj ekdejoris ĉe la princo Borghese. Poste li funkciis kiel orgenisto ĉe diversaj romaj preĝejoj, inter ili ankaŭ Santa Maria Maggiore (ekde 1665 ĝis 1667). En 1664 li akompanis kardinalon Flavio Chigi al Parizo kaj ludis klavicenon antaŭ la reĝo Ludoviko la 14-a. Estis por li okazo konatigiĝi kun franca muziko.Reĝino Kristina de Svedio protektis lin, kaj li prezentis je ŝia honoro sian operon Dov'è amore è pietà [kie estas amo kaj pieco] en la jaro 1679. Li estis demandata klavicenisto kaj instruisto, tiel ke gravaj nobelfamilioj ofte engaĝis lin. Li instruis i.a. jenajn lernantojn: Francesco Gasparini, Georg Muffat, Domenico Zipoli, Azzolino della Ciaja, Francesco Durante, Giovanni Maria Casini.
Dum la dua stacio de Alessandro Scarlatti en Romo (ekde 1703 ĝis 1708) Pasquini kaj Corelli kunlaboris ofte kun tiu ĉi pro prezentadoj, speciale en rilato al la Accademia degli Arcadi, en kiu ĉiuj tri estis membroj.
Pasquini mortis en Romo kaj estis entombigita en la preĝejo San Lorenzo in Lucina
Graveco redakti
Pasquini estas la plej grava klavaristo itala dum la tempospaco inter Frescobaldi kaj Domenico Scarlattikaj li estis ankaŭ muzikteoriisto. Li publikis kelkajn gravajn verkojn por klavarinstumentoj, inter ili tokatoj, suitoj kaj partitoj. Li estis la unua en Italio, kiu komponis suitojn kaj konatigis tiun ĉi ĝenron en sia hejmlando. Krom multnombraj voĉkantaj verkoj diversspecaj (17 oratoriojn, motetojn kaj pli ol 50 kantatoj plejparte malaperintajn) li kreis 14 operojn, kiuj siatempe estis ege sukcesaj.
Eksteraj ligiloj redakti
- Partite sopra la Aria della Folia da Espagna (Kantoreiarchiv) Arkivigite je 2013-12-17 per la retarkivo Wayback Machine
- [1] Recursos gratis de Bernardo Pasquini en el Werner Icking Music Archive
- Senkostaj muzikaĵoj fare de Bernardo Pasquini en la Werner Icking Music Archive ("Muzika Arkivo de Werner Icking")
Referencoj redakti
- Ĉi tiu artikolo estas bazita parte sur la Encyclopaedia Britannica (eldono de 1911), kiu nun estas publikaĵo.