Bovanenkova minejo

Bovanenkova minejo estas unu el la plej grandaj en la mondo naftogasokondensataj minejoj kiu situas en Jamala-Neneca aŭtonoma distrikto, Tjumena provinco (Rusio), 340 km nord-okcidente de vilaĝo Nov-Porto kaj estas parto de la Okcidentsiberia naftogasa provinco. Ĝi estis malkovrita en 1971 kaj ekspluatata ekde 2012. Laŭ kapacito ĝi okupas la trian lokon en Rusio (post la Urengoja kaj Jamburga minejoj) kaj la kvinan en la mondo.

Bovanenkova minejo
ruse Бованенковское месторождение
gasminejo
Situo: Jamala-Neneca aŭtonoma distrikto, Tjumena provinco (Rusio) Geografia situo 70° 29′ 0″ N, 68° 0′ 0″ O (mapo)70.48333333333368 Bovanenkova minejo (Aŭtonoma distrikto de la Jamalo-Nenecoj) DEC Bovanenkova minejo Bovanenkova minejo (Rusio) DEC Bovanenkova minejo Tipo: naftogasokondensata minejo Parto de: Okcidentsiberia naftogasa provinco Malkovro: 1971 Ekspluatado: ekde 2012 Statuso: ekspluatata Kapacito: 4900 miliardoj da kubaj metroj (2002) Ekspluatanto: Gazprom dobiĉa Nadimo

Geologio

La minejo estas ligita al la Nurminska megamuro kaj laŭ tegmento de cenomanianaj sedimentaĵoj de supera kretaceo formas braĥiantiklinalan faldon grandan je 65 x 30 km, kun amplitudo 150 m.

La minejo havas hidrokarbonojn je la fundo 532 ĝis 4008 m ene de du strukturaj etaĝoj. Gaskuŝejoj de la 1a etaĝo je la fundo 532-1732 m estas ligitaj al grejso-aleŭrolitaj kretaceaj sedimentaĵoj de cenomaniano, albiano, aptiano. La 2a etaĝo inkluzivas serion da gasokondensataj kuŝejoj ligitaj al haŭteriviano-baremianaj malsuprekretaceaj kaj ĵurasiaj grejso-aleŭrolitaj sedimentaĵoj.

Entute haveblas 23 kuŝejoj. En tavolo TP₁₈ estas trovita gasonafta kuŝejo. La plej grandaj laŭ gaskapacito estas tavoloj PK₁ (cenomaniano), ĤM₁ kaj ĤM₂ (albiano), TP_1-6 (aptiano), BJa₁ (baremiano).

Enhavo de gasokondensato kreskas kun kresko de la fundo: de 0,65 g/m³ (tavolo TP_1-6 ĝis 230 g/m³ (tavoloj Ju₂-Ju₁₂). Tavolpremo kreskas samdirekte: 6,9 MPa (tavolo PK₁ — cenomaniano), 48,5 MPa (tavolo Ju₁₂). Elminigado malkreskas samdirekte: de 500-960 mil m³/diurne (tavoloj PK₁ — cenomaniano, TP_1-6 — aptiano) ĝis 200 mil m³/diurne kaj malpli (ĵurasiaj sedimentaĵoj).

La plej granda gaskuŝejo de tavolo TP_1-6 de aptiano-novkomia tanopĉa tavolaro, granda je 57 x 28 km, alteco 287 m, situas je la fundo 1192 ĝis 1473 m. La kuŝejo estas tavolo-masiva, averaĝa efika gasohava dikeco estas 48,4 m, poreco 26,5%, komenca tavolpremo 14,61 MPa.

Konsisto de la gaso en tavolo TP_1-6: metano 96,36%, etano 2,89%, propano 0,05%, butano 0,03%, pentano kaj superaj hidrokarbonoj 0,01%, azoto 0,43%, karbondioksido 0,23%; en tavolo Ju_6-7: metano 86,13%, etano 7,06%, propano 2,07%, butano 0,56%, pentano kaj superaj hidrokarbonoj 1,87%, azoto 0,06%, karbondioksido 2,25%

En 2002 la komenca gaskapacito estis taksita je 4900 miliardoj da kubaj metroj.

Literaturo

• Старосельский, В. И.. [2004] Р. И. Вяхирев: Бованенковское месторождение // Российская газовая энциклопедия (ruse). Москва: Большая Российская энциклопедия, p. 33. ISBN 5-85270-327-3.