Campillo de Ranas
Campillo de Ranas [kamPIĝo de R.] (Kampeto de Ranoj) estas municipo de Hispanio, en la Provinco Gvadalaĥaro, regiono de Kastilio-Manĉo. Estas ĉefa domaro Campillo de Ranas, krom aliaj pli malgrandaj nome la submunicipoj Campillejo [kampiĜEĥo] (Kampeto), El Espinar, Roblelacasa kaj Robleluengo, kaj la senhomejoj El Vado, Matallana kaj La Vereda. Ĝi troviĝas en la zono influita de la nomita nigra arkitekturo, kiu enhavas tiujn konatajn kiel nigraj vilaĝoj. Campillo de Ranas estas inkludita en la areo de la Natura Parko de la Sierra Norte de Guadalajara
| Campillo de Ranas | |||
|---|---|---|---|
 | |||
| municipo en Hispanio | |||
| Administrado | |||
| Lando | Hispanio | ||
| Regiono | Kastilio-Manĉo | ||
| Provinco | Gvadalaĥaro | ||
| Poŝtkodo | 19223 | ||
| Retpaĝaro | [] | ||
| Politiko | |||
| Urbestro | Francisco Maroto García (PSOE) | ||
| Demografio | |||
| Loĝantaro | 155 (2023) [+] | ||
| Loĝdenso | 1,78 loĝ./km² | ||
| Geografio | |||
| Geografia situo | 41° 5′ N, 3° 19′ U (mapo)41.085555555556-3.3141666666667Koordinatoj: 41° 5′ N, 3° 19′ U (mapo) [+] | ||
| Alto | 1 102 m [+] | ||
| Areo | 91,69 km² | ||
| |||
| |||
|
| |||
| Alia projekto | |||
 Vikimedia Komunejo Campillo de Ranas [+]
| |||
Loĝantoj redakti
La loĝanto nomiĝas campillero [kampiĜEro]. La censita loĝantaro en 2016 estis de 163 loĝantoj kaj la denseco estas de 1,78 loĝ/km².
Situo redakti
Campillo de Ranas situas en la nordorienta parto de Kastilio-Manĉo en la komarko aŭ distrikto Montaro de Gvadalaĥaro en la nord-okcidenta parto de la Provinco Gvadalaĥaro, je altitudo de 1 102 m super marnivelo; je 66 km el Gvadalaĥaro, provinca ĉefurbo. La areo de ties teritorio estas de 91,69 km². La geografiaj koordinatoj estas 41°05′08″N 3°18′51″Ok.
Geografio redakti
El la pejzaĝo de tiu municipo elstaras la montopinto Ocejón, unu el la plej altaj de la provinco. Proksime al la zono estas la du arbaroj el fagoj plej sudaj de Eŭropo, nome tiu de Montejo de la Sierra kaj tiu de Tejera Negra, same kiel la elfluejo de la rivero Jarama en la municipo El Cardoso de la Sierra.
La iamaj setlejoj La Vereda kaj Matallana, apartenantaj al la antikva municipo El Vado, kiu estis aneksita al Campillo de Ranas en la 1970-aj jaroj, same kiel El Vado mem, kiu estis parte inundita sub la Akvorezervejo de El Vado, troviĝas senhomaj post la deviga konfisko fare de la ICONA por rearbarigo. Tamen, la Asociación Amigos de La Vereda, kun helpo de la regiona registaro de Kastilio-Manĉo, iniciatis projekton por la rekuperado de la enklavo de La Vereda. Ili postulas la redonon de la propriaĵoj, inklude la konstruaĵojn urbajn, kiuj ne estis uzataj por la celoj de forsta rearbarigo, antaŭvidita de la deviga konfisko de 1972.
Historio redakti
Post la Hispana Enlanda Milito la loĝantaro falis el pinto en 1950 al 163, tio estis oni perdis loĝantojn pro diversaj tialoj: nome bataloj, prizono, politika persekutado, malsato ktp. Meze de la 20a jarcento la loĝantaro de multaj vilaĝoj de la regiono atingis pinton, kaj ankaŭ ĉe Campillo de Ranas, sed poste okazis elmigrado, senloĝigo kaj maljuniĝo de la loĝantaro ĉefe dum la 1960-aj kaj 1970-aj jaroj, kaj ankaŭ ĉe Campillo de Ranas kie oni falis al la nunaj 163.
Ekonomio redakti
Agrikulturo, forstado kaj brutobredado tradicie. Servoj kaj loĝejoj.
Campillo en la Episodios Nacionales de Galdós redakti
En la komeenco de la tria ĉapitro de Juan Martín 'El Empecinado' (Naciaj Epizodoj (vol. IX),[1] don Benito Pérez Galdós prezentas rolulon de pikareska romano en historia romano, nome "Viriato", konvertita en gerilano de la kontraŭfranca roto de la Empecinado, kiun la romanisto faris ano de Campillo de Ranas... Parolas "Viriato":
 |
|
Kuriozaĵoj redakti
- La urbestro Francisco Maroto havas la rekordon de la provinco pri realigo de pli granda kvanto da nuptoj de samseksemuloj[2]
- En 2008 la entrepreno Telefónica filmis reklamaĵon pri ADSL en tiu vilaĝo kie ironie ne estas telefonatingo.[3]
Notoj redakti
- ↑ Pérez Galdós, B. Juan Martín El Empecinado. Madrid. Alianza Editorial. 1988. p.23. ISBN 84-206-5009-9
- ↑ Tengo una especie de apuesta con el párroco a ver quién casa más gente, mi havas veton kun la pastro pri kiu geedzigas pli da homoj
- ↑ S.L., Unidad Editorial Internet,. «Telefónica grabó un anuncio de ADSL en un pueblo donde no hay cobertura | elmundo.es». www.elmundo.es. [1] Konsultita la 9an de decembro 2016.