Coraline Ada Ehmke
Coraline Ada EHMKE estas programar-disvolvisto aganta lige kun malfermitaj fontoj loĝanta en Ĉikago, Ilinojso. Ŝi komencis sian karieron kiel reteja disvolvisto en 1994 kaj laboris en diversaj industrioj, inkluzive inĝenierarton, konsiladon, edukadon, reklamadon, sansistemon, kaj infrastrukturon de programar-disvolvado.
Coraline Ada Ehmke | |
---|---|
![]() | |
Persona informo | |
Naskiĝo | 20-a jarcento en Usono |
Lingvoj | angla |
Loĝloko | Ĉikago |
Ŝtataneco | Usono |
Okupo | |
Okupo | programisto • verkisto • oratoro • teknologiisto |
TTT | |
Retejo | https://where.coraline.codes/ |
Ehmke kaj komunumoj redakti
Ŝi estas konata pro sia verkado en Ruby kaj en 2016 gajnis la premion Ruby Hero ĉe RailsConf, kongreso pri disvolvado per Ruby on Rails. Ŝi estas konata ankaŭ pro siaj laboro kaj aktiveco por socia justeco, kreo de Interligo de Kontribuantoj, kaj antaŭenigo de la ĝenerala alpreno de kondutkodoj por malfermitfontaj projektoj kaj komunumoj.
Oni fojfoje parolas pri ŝi kiel pri proponanto de malfermita programaro, tamen ŝi kritikas programaran liberecon kaj alvokas al akcepto de permesiloj, direktitaj kontraŭ agoj tute senrilataj al programaro. Ŝi fondis retpaĝaron kun difino de "etika permesilo", por "etika malfermitkoda programaro", sciante, ke la difino kontraŭas al la ideoj pri libera kaj malfermitkoda programaro. Tia permesilo devas malpermesi uzon al ĉiuj personoj el almenaŭ unu el la tri listigitaj grupoj; unu el tiuj grupoj estas tiuj, kiuj rekte aŭ nerekte igas iun per forto, aprobo aŭ kuraĝigo malobservi la Universalan Deklaracion pri homaj rajtoj; alia grupo temas pri malobservo de laborleĝaro laŭ iu organizo; kaj la tria temas pri investo al io, kio laŭ certa organizaĵo de UN malhelpis al respondo al tutmonda varmiĝo.
Kelkaj personoj ligitaj al Open Source Initiative, kvankam esprimas partan kunsenton kun ŝi, opinias, ke tiaj permesiloj ne nur estas malliberaj, sed tre malprobable povus atingi sian celon, ekzemple ĉar malbono kaj malutilo, pri kiuj ŝi parolas rekte aŭ en permesiloj, ne estas precize kaj universale difinebla, kaj rajtojn malobservas ofte registaroj mem, kiuj difinas la leĝan signifon de malbono; krom tio, por puni malobservantojn de homaj rajtoj ne bone taŭgus kopirajta juĝejo.[1][2][3] Kontraŭ la argumentoj pri malkonformo de ŝiaj permesiloj al la difinoj, ŝi postulas ŝanĝi la difinojn; por tio ŝi provis elektiĝi en la direktoraron de Open Source Initiative.[4]
Referencoj redakti
- ↑ Bruce Perens Sorry, Ms. Ehmke, The “Hippocratic License” Can’t Work. Arkivita el la originalo je 2020-09-24. Alirita 4 сент 2020.
- ↑ Bruce Perens Invasion of The Ethical Licenses. Arkivita el la originalo je 2020-08-17. Alirita 4 сент 2020.
- ↑ Bruce Perens What Comes After Open Source, p. 43:27-46:25. filmdosiero ĉe Youtube / Google.
- ↑ Andrew C. Oliver Should open source be ethical?. InfoWorld. IDG Communications, Inc.. Alirita 6 сент 2020.