Dénes Sándor
Dénes SÁNDOR (laŭ kutima hungara sinsekvo SÁNDOR Dénes) ([ŝa:ndor de:neŝ], uzantonomo en Vikipedio Zetey, de julio 2014 Zetey2) (naskiĝis la 12-an de decembro 1936 en vilaĝo Zetea (Zetelaka), Rumanio, mortis la 12-an de aŭgusto 2016 en Miercurea-Ciuc (Csíkszereda), same en Rumanio) estis rumania hungara instruisto, esperantisto kaj vikipediisto.
| Dénes Sándor | |
|---|---|
| Persona informo | |
| Aliaj nomoj | Zetey |
| Naskiĝo | 12-an de decembro 1936 en Zetea (Zetelaka), Rumanio |
| Morto | 12-an de aŭgusto 2016 (79-jaraĝa) en Miercurea-Ciuc (Csíkszereda), Rumanio |
| Lingvoj | Esperanto |
| Nacieco | rumania hungara |
| Ŝtataneco | Rumanio • Hungario |
| Familio | |
| Infanoj | Levente Sándor • Anikó Sándor |
| Okupo | |
| Okupo | esperantisto • instruisto • vikipediisto |
| Esperanto | |
| Aliaj aktivaĵoj | Kontribuado en Vikipedio |
Vivo redakti
Lia gepatra lingvo estis la hungara.
Dénes Sándor ricevis bazlernejan diplomon en la Ŝtata Porinstruista Instituto de Cristuru Secuiesc en 1954 kaj mezlernejan instruistdiplomon pri la hungara lingvo kaj literaturo en 1959 en la Universitato Bolyai de Kluĵo.
Dénes Sándor instruis en Tulgheș, Ditrău kaj Miercurea Ciuc, li estis lernejestro en Ditrău kaj Miercurea Ciuc, fakinspektoro pri hungara lingvo kaj literaturo en rajono Gheorgheni kaj inter 1968 kaj 1984 en Distrikto Harghita. Inter 1990 kaj 2000 Sándor estis gvidantarano de Asocio NyIT kaj redakciano de periodaĵo NyITLapok (1990-1996). Li estis organizinto de 1991 de Somera Akademio Bolyai por instruistoj de hungara lingvo kaj literaturo, de studobjektkonkurso de hungara lingvo kaj literaturo por mezlernejaj gelernantoj de Sovata. Ekde la 1-an de novembro 2000 li estis emerito kaj li loĝis en Miercurea Ciuc. Li publikigis librorecenzojn kaj artikolojn en gazetoj Hargita, Hargita Népe, Csodaceruza, Tanügyi Újság, Közoktatás kaj NyITLapok. Li estis kunlaborinto pri ellaborado de mezlerneja lernplano por instruado de hungara literaturo en mezlernejo, kiu estis publikigita en revuo Korunk en 1998.[1]
Li estas la patro de reklamgrafikisto, fotisto Levente Sándor kaj de psikologino Anikó Sándor.
Studetaĵoj, recenzoj redakti
- Számszimbolika Vörösmarty Mihály A Guttenberg-albumba című versében[2] aperis en Irodalom - tanári kincsestár, Budapeŝto, januaro 2002.
- Világlátott egérke, librorecenzo pri la fabelromano de Sándor Kányádi en numero 1-a, oktobro 2001 de Csodaceruza.[3]
- Világlátott egérke, studaĵo pri la porinfanaj prozaĵoj de Sándor Kányádi en la volumo Kortárs gyermekkönyvek, Cicero Könyvkiadó, Budapeŝto, 2001.
- Fodor Sándor: Csipike, recenzo pri la fabelromanciklo en numero 2-a, novembro, 2001 de Csodaceruza,
- Andersen világa etstudaĵo pri fabeloj de Andersen, en numero 4-a 2002 de Csodaceruza,
- Mennyit ér a hetedik krajcár? interpretaĵo pri novelo Hét krajcár de Zsigmond Móricz en numero 5-a, 2002 de Csodaceruza[4][1]
Vikipediisto redakti
Li estis vikipediisto ekde januaro 2006 ĝis mallonge antaŭ sia morto.
Libro el vikipediaj artikoloj redakti
Referencoj redakti
- ↑ 1,0 1,1 Bara Katalin—Csutak Judit—Sándor Dénes: teksto el la retejo hhrf.org, arkivigita en marto 2016 (hungare)
- ↑ artikolo Számszimbolika a Guttenberg-albumba című versben en lia propra retejo de ipernity, arkivigita en decembro 2016 (hungare)
- ↑ artikolo Világlátott egérke en lia propra retejo de ipernity, arkivigita en decembro 2016 (hungare)
- ↑ artikolo Mennyit ér a Hetedik Krajcár? en lia propra retejo de ipernity, arkivigita en decembro 2016 (hungare)