Demagogio
Demagogio (el la greka: demos, popolo kaj ago, konduki) estas politika kaj retorika nocio pri la arto gvidi popolon, altirante al si ties favorojn, ĉefer per simplega parolado, kaŝante nuancojn kaj modifiante la veron.
Hodiaŭ la esprimo demagogio havas ĉefe negativan sencon. Tamen en antikva Grekio, la esprimo demagogo indikis tiujn, kiuj edukis, kondukis la popolon.
Demagogo, laŭ PIV, estas politikisto, kiu pro propra utilo flatas la popolon kaj ekscitas ties pasiojn, anstataŭ eduki ties prudenton.[1]