Dikruredoj

La Dikruredoj (Dicruridae) estas familio el la ordo de la Paseroformaj birdoj, kiuj troviĝas en la tropikaj kaj subtropikaj regionoj de Afriko, Azio kaj Aŭstralio.

Kiel legi la taksonomion Dikruredoj
Dicrurus hottentottus striatus
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Paseroformaj Passeriformes Familio: Dikruredoj Dicruridae
Subfamilioj
Monarchinae Rhipidurinae Dicrurinae
Aliaj Vikimediaj projektoj

Dikruredoj manĝas prefere insektojn, ili vivas en arbustaro aŭ en maldensa arbaro. Ili metas 2-4 ovojn en nesto alte en arbo. Dikruredoj estas agresemaj kaj sentimaj; ili atakas ankaŭ grandajn rabobirdojn, se temas pri defendo de sia nesto.

Taksonomio

Nuntempe la scienca interkonsento pri taksonomio estas ke la familio de Dikruredoj enhavas nur unu genron Dicrurus (dikruroj aŭ drongoj). En 2008 Leslie Christidis kaj Walter Boles laŭ biogeografiaj kaj morfologiaj konsideroj proponis vastigi la familion kaj enhavigi kiel subfamiliojn ripiduredojn (sub nomo Rhipidurinae), kaj kelkajn tribojn de monarĥedoj (kiel Monarchinae kaj Grallininae), tamen ĝis nun ilia ideo ne iĝis vaste akceptata.

Antaŭe oni apartenigis al dikruredoj ankaŭ genron Chaetorhynchus, kiu enhavas la solan specion Chaetorhynchus papuensis (Papua drongo), endemian en Nov-Gvineo. Surbaze de kaj morfologiaj, kaj genetikaj faktoj, Chaetorhynchus nun estas metita en kun ripiduredoj.

Specioj

La genro Dicrurus enhavas 28 speciojn:

Bilda	Kutima nomo	Scienca nomo	Distribuo
	Drongo de Ludwig	Dicrurus ludwigii	suda Afriko.
	Drongo de Sharpe	Dicrurus sharpei	suda Sudsudano kaj uesta Kenjo ĝis Demokrata Respubliko Kongo (DRK) kaj Niĝerio
	Brilanta drongo	Dicrurus atripennis	Kameruno, Centrafrika Respubliko, Respubliko Kongo, DRK, Eburbordo, Ekvatora Gvineo, Gabono, Ganao, Gvineo, Liberio, Niĝerio, Sieraleono, kaj Togolando
	Funebra drongo	Dicrurus adsimilis	Gabono, RK, DRK, Angolo, nord-uesta Zambio, Namibio, Botsvano, kaj nord-uesta Sudafriko
	Modesta drongo	Dicrurus modestus	de Niĝerio kaj Kameruno gis DRK kaj Angolo
	Komora drongo	Dicrurus fuscipennis	Komoroj
	Aldabra drongo	Dicrurus aldabranus	Sejŝeloj
	Kresta drongo	Dicrurus forficatus	Madagaskaro kaj Komoroj
	Majota drongo	Dicrurus waldenii	Majoto
	Nigra drongo	Dicrurus macrocercus	Irano tra Pakistano, Bharato, Bangladeŝo, kaj Srilanko eosten al suda Ĉinio kaj Indonezio, ankaŭ okaze vizita al Japanio
	Cindra drongo	Dicrurus leucophaeus	eosta Afganio eosten al suda Ĉinio, Rjukju-insularo (aparte Okinavo), kaj Indonezio
	Blankventra drongo	Dicrurus caerulescens	Bharato kaj Srilanko
	Kornikbeka drongo	Dicrurus annectens	Bangladeŝo, Bhutano, Brunejo, Kamboĝo, Ĉinio, Bharato, Indonezio, Laŭio, Malajzio, Birmo, Nepalo, Filipinoj, Singapuro, Tajio, kaj Vjetnamio.
	Bronza drongo	Dicrurus aeneus	de uesta Utaraĥando al Hindoĉinio kaj Hajnano, Malaja duoninsulo, Sumatro kaj norda Borneo
	Malgranda drongo	Dicrurus remifer	Bangladeŝo, Bhutano, Kamboĝo, Bharato, Indonezio, Laŭio, Malajzio, Birmo, Nepalo, Tajio, kaj Vjetnamio
	Balikasio	Dicrurus balicassius	Filipinoj
	Striata drongo	Dicrurus striatus	Filipinoj
	Hotentota drongo	Dicrurus hottentottus	de Bangladeŝo, Bharato, kaj Bhutano tra Hindoĉinio al Ĉinio, Indonezio, kaj Brunejo.
	Tablas-insula drongo	Dicrurus menagei	Filipinoj
	Palavana drongo	Dicrurus palawanensis	Provinco Palavano
	Sumatra drongo	Dicrurus sumatranus	Sumatro
	Wallace-linia drongo	Dicrurus densus	apud linio de Wallace en Indonezio kaj Orienta Timoro.
	Sulavesa drongo	Dicrurus montanus	Sulaveso
	Vila drongo	Dicrurus bracteatus	Aŭstralio, Novgvineo, Indonezio
	Grandbeka drongo	Dicrurus megarhynchus	insulo Novirlando en Bismarkoj, Papuo-Novgvineo
	Andamana drongo	Dicrurus andamanensis	Andamanoj
	Paradiza drongo	Dicrurus paradiseus	de Bharato ĝis Borneo kaj Javo
	Srilanka drongo	Dicrurus lophorinus	Srilanko