Disko-insulo
Disko-insulo (gronlande Qeqertarsuaq, „granda insulo“) kun surfaco de 8 578 km² (por komparo: Mallorca 3 640 km², Korsiko 8 680 km²) situas ĉirkaŭ 60 kilometrojn okcidente de Ilulissat antaŭ la okcidentaj bordoj de Gronlando en la Disko-golfo (Qeqertarsuup Tunua).
| Disko-insulo | |||
|---|---|---|---|
 | |||
| insulo [+] | |||
| Akvejo | Arkta oceano | ||
| Supermara alteco | 1 919 m [+] | ||
| Koordinatoj | 69° 45′ N, 53° 30′ U (mapo)69.75-53.5Koordinatoj: 69° 45′ N, 53° 30′ U (mapo) | ||
| Ĉefa loko | Qeqertarsuaq | ||
| Plej alta punkto | |||
| - alteco | 1 919 m | ||
| Longo | 120 km (75 mi) | ||
| Larĝo | 120 km (75 mi) | ||
| Areo | 8 612 km² (861 200 ha) [+] | ||
| Loĝantaro | 892 [+] | ||
| Horzono | UTC-03:00 [+] | ||
|
|||
|
|||
 |
|||
| Disko-insulo | |||
 Vikimedia Komunejo: Disko Island [+] |
|||
La montoj de la disko estiĝis antaŭ 55 ĝis 65 milionoj da jaroj el ruĝetaj bazaltoj, la plej alta pinto altas 1 919 m, la averaĝa alto 975 m. La ĉiamfrosta grundo de la insulo ebligas kreskon de nur tundro-vegetaĵo, agrikulture uzeblaj grundoj kaj eĉ arboj ne ekzistas. La interno de la Disko-insulo estas kovrata grandparte per Sermersuaq („Granda glaĉero“). Supre de Qeqertarsuaq situas la pli malgranda Lyngmarks-glaĉero.
La Disko-insulo estas rare loĝata, sur ĝi ekzistas nur du konstante loĝataj komunumoj. La plej granda komunumo estas Qeqertarsuaq (Godhavn) kun ĉirkaŭ 1 000 loĝantoj en la sudo. Ĉ. 35& km norde de tio situas la inuita komunumo Kangerluk kun 50 loĝantoj, kiuj vivtenas sin per ĉasado, fiŝkaptado. Ĝis la 1970-aj jaroj ekzistis ankoraŭ en nord-oriento la karbo-mineja komunumo Qullissat. Post fermo de la minejo, la loĝantoj translokiĝis al Qeqertarsuaq.
Interesa estas la Disko-insulo pro ties fosilioj kaj geologiaj formoj.
La insulojn ekloĝis inuitoj, la unua alveninta eŭropano estis Eriko la ruĝa.