Eĉ ne malprava
La esprimo "eĉ ne malprava" priskribas argumenton aŭ teorion, kiu asertas esti scienca, sed estas bazita sur fuŝa logiko aŭ konjektaj premisoj, kiuj ne povas esti diskutataj en rigore scienca kadro.
La esprimo estas ordinare atribuata al la teoria fizikisto Wolfgang Pauli, kiu estis konata pro siaj bruaj kontraŭstaroj al neĝusta aŭ fuŝa pensado. Rudolf Peierls dokumentis okazon, kiam "amiko montris al Pauli la eseon de juna fizikisto, kiun li suspektis nealtvalora sed pri kiu li deziris la vidpunkton de Pauli. Pauli rimarkis malfeliĉe, 'Ĝi estas eĉ ne malprava'." Tio ĉi estas ankaŭ ofte citata kiel "Ne nur estas tio ne prava; ĝi estas eĉ ne malprava" aŭ "Das ist nicht nur nicht richtig; es ist nicht einmal falsch!" en la denaska lingvo de Pauli, la germana. Peierls ankaŭ citas alian ekzemplon, kiam Pauli respondis al Lev Landau, "Kion vi diris estis tiom konfuzita, ke oni ne povas diri ĉu ĝi estas absurda aŭ ne."
La esprimo estas asociata kun la koncepto pri malpruvebleco: por serioza diskuto, ĉu ajna diraĵo estas vera aŭ malvera, la diraĵo devas plenumi la kriterion pri "malpruvebleco": la esenca ebleco, ke la diraĵo estas falsa. En ĉi tiu senco la esprimo "eĉ ne malĝusta" estas sinonima al "nemalpruvebla".
La esprimo estas ofte uzata por priskribi pseŭdosciencon aŭ malbonan sciencon kaj estas konsiderata kiel insulta.