Eŭropa Futbal-Ĉampionado 1988
La fina parto de la 8-a Eŭropa Futbal-Ĉampionado (oficiala nomo "UEFA EURO" 1988) okazis inter la 10-a kaj la 25-a de junio 1988 en ok urboj de Germanio.
| Eŭropa Futbal-Ĉampionado 1988 UEFA EURO 1988 | |
|---|---|
| |
| Turniraj detaloj | |
| Loko |  Germanio
|
| Datoj | 10-a ĝis 25-a de junio 1988 |
| Teamoj | 8 |
| Ejoj | 8 (en 8 urboj) |
| Finaj pozicioj | |
Ĉampiono 
|
 Nederlando (1-a ĉampioneco)
|
Dua pozicio 
|
 Sovetunio
|
| Turniraj statistikoj | |
| Matĉoj | 15 |
| Goloj | 34 (2,27 matĉe) |
| Spektantoj | 935 680 (62 379 matĉe) |
| Golreĝo(j) |  Marco van Basten(5 goloj) |
La konkurso havis du fazojn: unue la teamoj de 8 landoj konkursis en 2 grupoj de po kvar teamoj, kaj en ĉiu grupo restis la du plej bonaj, do entute 4 teamoj. Poste en la "finala fazo" unue ludis po du teamoj el tiuj 4, parigitaj laŭ antaŭe difinita sistemo (la duonfinalo), kaj la gajnintoj el la duonfinalo komparis siajn fortojn en la finalo, kiu okazis je la 25-a de junio 1988 en Munkeno.
Por la 15 matĉoj en sume 8 stadionoj estis venditaj entute pli ol naŭcent mil da enirbiletoj.
La ok urboj kaj stadionoj, kiuj gastigis la matĉojn, estis
| Duseldorfo (Düsseldorf) | Rheinstadion |
| Frankfurto ĉe Majno (Frankfurt am Main) | Waldstadion |
| Gelsenkirchen | Parkstadion |
| Hamburgo (Hamburg) | Volksparkstadion |
| Hanovro (Hannover) | Niedersachsenstadion |
| Kolonjo (Köln) | Müngersdorfer Stadion |
| Munkeno (München) | Olympiastadion |
| Stutgarto (Stuttgart) | Neckarstadion |
