Edith Cavell
Edith Louisa CAVELL ['keŭvl] (4-an de decembro 1865 en Swardeston, Norfolk, Britio - 12-an de oktobro 1915 en Bruselo, Belgio) estis brita malsanula prizorgistino kaj laŭ kelkaj fontoj spionino. Ŝi estas estimata kiel martiro kaj heroino de la unua mondmilito.
| Edith Cavell | |
|---|---|
| |
| Persona informo | |
| Naskonomo | Edith Louisa Cavell |
| Naskiĝo | 4-an de decembro 1865 en Swardeston |
| Morto | 12-an de oktobro 1915 (49-jaraĝa) en Schaarbeek |
| Mortokialo | pafvundo |
| Tombo | Norwich Cathedral |
| Lingvoj | angla • franca |
| Ŝtataneco | Unuiĝinta Reĝlando de Granda Britio kaj Irlando |
| Alma mater | Norwich High School for Girls |
| Okupo | |
| Okupo | flegisto • matron • governess |
| TTT | |
| Retejo | http://www.edithcavell.org.uk/ |
Cavell finstudis en 1895 kiel malsanula prizorgistino en Londona Hospitalo, poste ŝi laboris ekde 1907 en Berkendael Medical Institute en Bruselo. Post la germana invado al Belgio, la Berkendael-instituto de la Ruĝa Kruco iĝis lazareto. Ŝi laboris kun la populara belga diplomatino Marie Depage, kiu mortis la 7-an de majo 1915 ĉe sinkigo de brita luksa vaporŝipo Lusitania.
Cavell helpis fuĝis pli ol 200 virojn – militkaptitojn – tra la limo al Nederlando, ĝis Cavell kaj aliaj grupoj estis arestitaj la 5-an de aŭgusto 1915 fare de la germanoj. Ŝi estis arestita kaj punita pro spionado je pafekzekuto. Ŝi estis murdita la 12-an de oktobro 1915 kun la belga Philippe Baucq. Gottfried Benn – kiel kuracisto – estis okulatestanto de la fiago. La amnestia peto de la usona kaj hispana ambasadejo estis rifuzita. La morto de Cavell estis eluzita por propagandaj celoj fare de la Entento (koalicio de kontraŭgermanaj landoj).
Oni elterigis en 1919 ŝian kadavrajn restaĵojn kaj liveris en Londonon. En ĉeesto de reĝo Georgo la 5-a okazis memorpreĝado en Abatejo Westminster, poste la restaĵo estis transportita al Norwich kaj entombigita ekster la Kathedralo de Norwich. Nun ankaŭ nuntempe okazas ĉijaraj memorpreĝoj ĉe tombo de Cavell.
En la nokto antaŭ la ekzekuto vizitis ŝin anglikana Gahan, al kiu ŝi diris: „I realise that patriotism is not enough, I must have no hatred or bitterness towards anyone.“ (Mi ekkomprenas, ke patriotismo ne sufiĉas. Mi devas senti malamon aŭ amarecon kontraŭ neniu.) Tiuj vortoj staras sur statuo en Londona Placo de Sankta Marteno, proksime de Trafalgar Square.
Oni nomumis post Edith Cavell:
- malsanulejon en Brusela komunumo Uccle / Ukkel
- Monto Edith Cavell, 3363 m, Nacia Parko Jasper en Kanada Rok-montaro
- la asteroido 11073 Cavell